الماتىدا 25-28 قىركۇيەك ارالىعىندا "تۇركى دۇنيەسى جاس اقىندارىنىڭ حالىقارالىق پوەزيا فەستيۆالى" ءوتتى. فەستيۆالدى الماتى قالاسى اكىمدىگىنىڭ قولداۋىمەن، حالىقارالىق “تۇرىكسوي” ۇيىمى جانە "تۇلعا-دوستىق" قوعامدىق قورى ۇيىمداستىردى.
فەستيۆالدىڭ 26 قىركۇيەكتەگى سالتاناتتى اشىلۋىنا الماتى قالاسى مادەنيەت باسقارماسىنىڭ باسشىسى عاني مايلىباەۆ، قازاقستان جازىشىلار وداعى توراعاسىنىڭ ورىنباسارى قاسىمحان بەگمانوۆ، حالىقارالىق “تۇرىكسوي” ۇيىمىنىڭ باس حاتشىسى سۋلتان راەۆ، قىرعىزستان جازۋشىلار وداعىنىڭ توراعاسى قانىبەك يماناليەۆ، كورنەكتى اقىن ۇلىقبەك ەسداۋلەت، كوركەمسۋرەت اكادەمياسىنىڭ پرەزيدەنتتى اماندوس اقاناەۆ، دانيار الكەبايۇلى، قايرات مۇقانوۆ، ىرىسبەك ءماۋىت، ۆياچەسلاۆ ۆاۆيلين، اباي اراپ، ارمان سارىنوۆ، الماس ايدار، نۇرلان سىدىق، تالعات اسەت، جانار سەيىتباتتال، قاتارلى باسقا دا زيالى قاۋىم وكىلدەرى، اقىن-جازۋشىلار قاتىستى.
فەستيۆالدىڭ اشىلۋىندا تۇركيا، ازەربايجان، وزبەكستان، قىرعىزستان، قازاقستاننىڭ جاس اقىندارى جالىنداپ جىر وقىدى.
فەستيۆال "پوەزيا اللەياسىندا" اشىلىپ، كەشتە “الاتاۋ” ءداستۇرلى ونەر تەاترىندا جالعاسىن تاپتى. “الاتاۋ” ءداستۇرلى ونەر تەاترىندا وتكەن "تۇركىلەر ءۇنى" جىر كەشىن مادەنيەت باسقارماسى باسشىسىنىڭ ورىنباسارى ارمان قالىبەكوۆ اشىپ بەردى. سۇلتان راەۆ جاس اقىندارعا “تۇرىكسويدىڭ” ارنايى مەدالىمەن، ديپلومدارمەن ماراپاتتالدى.
27 قىركۇيەك كۇنى الماتى قالاسىنا ساياحات ۇيىمداستىرىلىپ، اقىندار كوكتوبەدەن كوركەم الماتىنى تاماشالادى. تۇستەن كەيىن ءال-فارابي اتىندىعى قازاق ۇلتتىق ۋنيۆەرسيتەتىندە رەكتوراتتىڭ ءماجىلىس زالىندا ستۋدەنتتەرمەن كەزدەسۋ كەشى ءوتتى. شارانى حالىقارالىق الاش سىيلىعىنىڭ يەگەرى كورنەكتى جازۋشى نۇرعالي وراز جۇرگىزدى.
28 قىركۇيەكتە فەستيۆالدىڭ جابىلۋى قازاقستان رەسپۋبليكاسىنىڭ ۇلتتىق كىتاپحاناسىندا ءوتتى. شاراعا اقىن، فيلوسوف، قازاقستان جازۋشىلار وداعىنىڭ مۇشەسى، “تۇرىكسويدىڭ” باس حاتشىسىنىڭ كەڭەسشىسى، "تۇلعا-دوستىق" قوعامدىق قورىنىڭ ديرەكتورى مۇراتحان شوقان جاۋاپتى بولىپ، “تۇلعا-دوستىق كلۋبىنىڭ مۇشەلەرىنىڭ، "زەردەلى" اقىل-وي دامىتۋ مەكتەپتەر جەلىسىنىڭ دەمەۋشىلىگىمەن اتقارىپ شىقتى. جاس اقىنداردىڭ جانى توعىسىپ قايتتى. فەستيۆال تۇركى دۇنيەسى بىرلىگىنە قوسىلعان ۇلەس بولدى.
“ادىرنا” ۇلتتىق پورتالى
