30 تامىزدا الماتى مەن اقتوبە قالالارىندا اۋانىڭ لاستانۋ دەڭگەيى جوعارىلاۋى ىقتيمال. بۇل تۋرالى «قازگيدرومەت» حابارلادى، دەپ جازادى "ادىرنا".
مامانداردىڭ بولجامىنشا، اتالعان ەكى قالادا قولايسىز مەتەورولوگيالىق جاعداي قالىپتاسادى. مۇنداي كەزدە جەلدىڭ ءالسىز بولۋى، تۇمان جانە اۋا تەمپەراتۋراسىنىڭ ينۆەرسياسى سەكىلدى فاكتورلار اتموسفەرانىڭ جەرگە جاقىن قاباتىندا زياندى زاتتاردىڭ شوعىرلانۋىنا اسەر ەتەدى.
وسىعان بايلانىستى تۇرعىندارعا دالادا ۇزاق ۋاقىت جۇرمەۋ، اسىرەسە كولىك كوپ جۇرەتىن جولدار مەن اۋانىڭ لاستانۋ قاۋپى جوعارى اۋماقتاردا بولۋدى شەكتەۋ ۇسىنىلادى. سوزىلمالى وكپە جانە جۇرەك-قان تامىرلارى اۋرۋلارى بار، سونداي-اق اللەرگيادان زارداپ شەگەتىن ازاماتتارعا سىرتقا شىققاندا قاجەتتى ءدارى-دارمەكتەرىن وزىمەن بىرگە الىپ جۇرۋگە كەڭەس بەرىلدى.
سونىمەن قاتار «قازگيدرومەت» 30 تامىزعا ارنالعان داۋىلدى ەسكەرتۋ جاريالادى. سينوپتيكتەر استانا مەن شىمكەنتتە، سونداي-اق ەلىمىزدىڭ 17 وبلىسىندا قولايسىز جانە قاۋىپتى اۋا رايى قۇبىلىستارى بولۋى مۇمكىن ەكەنىن ەسكەرتتى.
بۇرقاسىن بوران. قاراعاندى وبلىسى تۇرعىندارىنا ەلدى مەكەندەردەن تىس جەرلەرگە شىقپاۋعا كەڭەس بەرىلدى
