بۇگىن، 11 مامىردا ەلىمىزدىڭ بىرقاتار وڭىرىندە داۋىلدى ەسكەرتۋ جاريالاندى، دەپ حابارلايدى «ادىرنا» ءتىلشىسى.
سينوپتيكتەردىڭ مالىمەتىنشە، وڭىرلەردە جاڭبىر جاۋىپ، نايزاعاي وينايدى، كەي جەرلەردە قاتتى جاۋىن-شاشىن، بۇرشاق جانە ەكپىندى جەل بولادى.
استانا قالاسىندا تۇندە 2 گرادۋسقا دەيىن توپىراق بەتىندە ۇسىك ءجۇرۋى ىقتيمال. سولتۇستىك-باتىستان سوققان جەلدىڭ كۇندىز ەكپىنى 15-20 م/س-قا دەيىن جەتەدى.
الماتى قالاسىندا جاڭبىر، نايزاعاي، تۇندە كەي ۋاقىتتاردا قاتتى جاڭبىر جاۋى مۇمكىن. سولتۇستىك-باتىستان سوققان جەلدىڭ ەكپىنى 15-18 م/س-قا دەيىن جەتەدى.
شىمكەنت قالاسىندا كەي ۋاقىتتاردا جاڭبىر جاۋىپ، نايزاعاي ويناۋى مۇمكىن. وڭتۇستىك-باتىستان سوققان جەلدىڭ ەكپىنى 15-20 م/س-قا جەتەدى.
تۇركىستان، جامبىل جانە قىزىلوردا وبلىستارىندا اۋا رايى تۇراقسىز بولادى دەپ كۇتىلۋدە. كەي جەرلەردە داۋىل مەن شاڭدى داۋىل سوعۋى مۇمكىن.
سولتۇستىك جانە شىعىس ايماقتاردا — قاراعاندى، پاۆلودار، شىعىس قازاقستان، اباي جانە اقمولا وبلىستارىندا جاڭبىر جاۋىپ، نايزاعاي ويناپ، بۇرشاق ءتۇسىپ، جەل كۇشەيۋى ىقتيمال.
باتىس وڭىرلەردە — ماڭعىستاۋ، اتىراۋ جانە باتىس قازاقستان وبلىستارىندا جاڭبىر مەن نايزاعاي كۇتىلەدى، ال كەي جەرلەردە تۇمان ءتۇسۋى مۇمكىن.
«قازگيدرومەت» تۇرعىنداردى قولايسىز اۋا رايىنا بايلانىستى ساق بولۋعا شاقىرىپ، اسىرەسە اشىق اۋادا جۇمىس ىستەيتىندەر مەن كولىك جۇرگىزۋشىلەرىنە ەرەكشە نازار اۋدارۋدى ەسكەرتتى.
