«قازگيدرومەت» سينوپتيكتەرىنىڭ بولجاۋىنشا، 2023 جىلدىڭ 16 جەلتوقسانى كەشتەن 21 جەلتوقسانعا دەيىن ەلىمىزدىڭ باتىس ايماعىنان جاقىنداعان تسيكلوننىڭ اسەرىنەن اۋا رايىنىڭ ناشارلاۋى كۇتىلۋدە، دەپ حابارلايدى «ادىرنا» ۇلتتىق پورتالى «قازاۆتوجول» باسپاسوز قىزمەتىنە سىلتەمە جاساپ.
الداعى بىرنەشە تاۋلىكتە بىرقاتار وڭىرلەردە اۋا رايىنىڭ قولايسىزدىعى كۇتىلۋدە: جاۋىن-شاشىن كوپ، اۋا تەمپەراتۋراسى تومەندەيدى، كوكتايعاق، ەكپىندى جەل.
سونىمەن بىرگە اعىمداعى جىلدىڭ 16-17 جەلتوقسان ارالىعىندا تسيكلون باتىس قازاقستان، اقتوبە، ماڭعىستاۋ وبلىستارىندا باسىمىراق بولماق. قالىڭ قار جاۋىپ، ەكپىندى جەل مەن بۇرقاسىن بولادى.
ءارى قاراي، 18 جەلتوقساننان باستاپ تسيكلون ەلىمىزدىڭ سولتۇستىك، ورتالىق جانە شىعىس بولىگىنە اۋىسادى.
وسىعان بايلانىستى «قازاۆتوجول» بولىمشەلەرى كۇشەيتىلگەن جۇمىس رەجيمىنە كوشىرىلەدى.
500-گە جۋىق ارنايى تەحنيكا مەن 700 جول قىزمەتىنىڭ كەزەكشى قىزمەتكەرىن ىسكە تارتۋ جوسپارلانۋدا.
«ادىرنا» ۇلتتىق پورتالى
