ءبىرىنشى شاقىرىلىمداعى قازاقستان رەسپۋبليكاسى قۇرىلتايىنىڭ ءبىرىنشى سەسسياسىندا دەپۋتاتتار انت قابىلدادى، دەپ حابارلايدى "ادىرنا".
"قازاقستان حالقىنا ادال قىزمەت ەتۋگە، قازاقستان رەسپۋبليكاسىنىڭ تۇتاستىعى مەن تاۋەلسىزدىگىن نىعايتۋعا، ونىڭ كونستيتۋتسياسى مەن زاڭدارىنا قاتاڭ باعىنۋعا، ماعان جۇكتەلگەن دەپۋتاتتىق جوعارى مىندەتتەردى ادال اتقارۋعا انت ەتەمىن", - دەدى جاڭا دەپۋتاتتار.
انت بەرۋدى تىكەلەي ەفيردەن كورە الاسىزدار.
رەسمي راسىمنەن كەيىن دەپۋتاتتار پارلامەنت سپيكەرىن سايلاۋعا كوشەدى. بۇل لاۋازىمعا پرەزيدەنت قاسىم-جومارت توقاەۆ بۇعان دەيىن «ادىلەت» پارتياسىنىڭ جەتەكشىسى ايبەك دادەبايدى ۇسىنعان ەدى.
توراعا سايلانعان سوڭ قۇرىلتايدىڭ ۆيتسە-سپيكەرلەرى انىقتالادى. بۇدان بولەك جاڭا پارلامەنتتىڭ تۇراقتى كوميتەتتەرىنىڭ سانى مەن اتاۋلارى بەكىتىلىپ، ولاردىڭ باسشىلارى تاڭدالادى.
وسى شارالاردان كەيىن اتالعان كوميتەتتەرگە كىرەتىن دەپۋتاتتاردىڭ تولىق قۇرامى بەلگىلى بولادى.
ەسكە سالا كەتەيىك، 2026 جىلعى 23 تامىزدا وتكەن قۇرىلتاي سايلاۋىنىڭ قورىتىندىسى بويىنشا 5 ساياسي پارتيا 5 پايىزدىق مەجەنى ەڭسەرىپ، دەپۋتاتتىق مانداتتارعا يە بولدى.
قۇرىلتايدىڭ 145 مانداتى مىناداي تارتىپپەن ءبولىندى:
- «ادىلەت» – 110 ماندات;
- «اۋىل» – 10 ماندات;
- Respublica – 9 ماندات;
- «اق جول» – 8 ماندات;
- جسدپ – 8 ماندات.
