Amanat پارتياسى فراكتسياسىنىڭ حالىق تابىسىن ارتتىرۋ باعدارلاماسى تالقىلاعان جيىنىندا دەپۋتات ەرلان سايىروۆ قىمباتشىلىق تۋرالى ايتا كەتتى. ول تۇرعىنداردىڭ ءال-اۋقاتىن جالپى ىشكى ونىممەن ولشەۋ ورىنسىز دەگەن پىكىر ءبىلدىردى، دەپ حابارلايدى “ادىرنا” ۇلتتىق پورتالى.
بۇل وتە ماڭىزدى ماسەلە. وسى وتە ماڭىزدى ماسەلەگە حالىق سەنۋ ءۇشىن ەڭ ءبىرىنشى ءبىزدىڭ ءسوزىمىز بەن اناۋ بازارداعى باعاسى سايكەس كەلۋى كەرەك. مەنىڭ ويىمشا، وسىنداي كەزدەسۋدىڭ الدىندا ۇكىمەت مۇشەلەرى مىندەتتى تۇردە بازارعا بارىپ شىعۋى كەرەك. بۇگىنگى تاڭدا قازاقستاننىڭ ىشكى جالپى ءونىمى 3,2% ءوستى دەپ ايتاسىزدار. بىراق قازاقستانداعى ينفلياتسيا 20% ءوستى عوي. كورشىلەرىمىز قىرعىزستاندا ينفلياتسيا 14%. وزبەكستاندا 12%، رەسەيدە 11%، - دەدى ەرلان سايىروۆ.
دەپۋتات حالىقتىڭ تابىسى تۇسكەنىن مونشاعا بارۋىنان-اق بايقاۋعا بولاتىنىن ايتتى.
مەن ءوزىم بازارعا «ارتەم» بازارى مەن «Small»-عا بارامىن. قۇرمەتتى ارىپتەستەر ادامدار كۇندە تۇتىناتىن نان، ماي، ماكارون، كۇرىش 80% ءوسىپ كەتتى عوي. وسىنى ءبىز نەگە ايتپايمىز؟ جىگىتتەر، مەن «كەرەمەت» دەگەن مونشاعا بارام. وسى كەزدە حالىق جەتىسىنە ءبىر ەمەس، ەكى جەتىدە ءبىر رەت مونشاعا باراتىن بولعان. ويتكەنى حالىقتىڭ تابىسى تومەندەپ كەتتى. ارىپتەستەر، ءبىز وسىنداي اڭگىمە ايتقاننىڭ ورنىنا بۇگىنگى يندكاتورلاردى وزگەرتۋ كەرەك. سىزدەردىڭ ينديكاتورلارىڭىز دۇرىس ەمەس. ىشكى جالپى ءونىم قازاقستان حالقىنىڭ ءال-اۋقاتىنىڭ ينديكاتورى بولا المايدى. نەگىزگى ينديكاتور – ءۇي شارۋشالىقتارىنىڭ تابىسى، - دەدى دەپۋتات.
