مۇرات ەرگەشباەۆتىڭ ءماجىلىس دەپۋتاتى رەتىندەگى وكىلەتتىگى مەرزىمىنەن بۇرىن توقتاتىلدى، دەپ حابارلايدى «ادىرنا» ءتىلشىسى
ونىڭ دەپۋتاتتىق وكىلەتتىگىن توقتاتۋ تۋرالى شەشىم جۋىردا قىزىلوردا وبلىسىنىڭ اكىمى بولىپ تاعايىندالۋىنا بايلانىستى قابىلداندى. بۇل ماسەلە بۇگىن، 13 مامىردا ءماجىلىس وتىرىسىندا قارالدى.
ءوز كەزەگىندە ەرگەشباەۆ ماجىلىستەگى ارىپتەستەرىنە بىرلەسكەن جۇمىسى ءۇشىن ريزاشىلىعىن ءبىلدىردى.
«پارلامەنت قابىرعاسىنداعى ءۇش جىلدىق جۇمىس بارىسىندا ارىپتەستەرىممەن بىرگە ادال ەڭبەك ەتىپ، زاڭداردى قابىلداپ، تالقىلادىق. زاڭ شىعارۋ ءىسىنىڭ دامۋىنا مەنىڭ دە از دا بولسا ماڭىزدى ۇلەسىم بار دەپ ويلايمىن. وسى جەردە ۇلكەن تاجىريبە جيناقتادىم جانە سونى ماقتان تۇتامىن»، – دەدى ول.
ۇقساس جاڭالىقتار
