Biyl 184 qazaqstandyq «Bolaşaq» halyqaralyq stipendiiasyna ie boldy, dep habarlaidy "Adyrna" ūlttyq portaly.
Taǧy 51 ǧalym şeteldegı jetekşı zertteu ortalyqtarynda ǧylymi taǧylymdamadan ötedı. Būl turaly ǧylym jäne joǧary bılım ministrı Saiasat Nūrbek mälımdedı.
184 stipendiia iegerınıŋ:
* 137-sı – magistraturaǧa;
* 10-y – doktoranturaǧa;
* 37-sı – käsıbi taǧylymdamaǧa jıberıledı.
Stipendiialardy bölu kezınde atom önerkäsıbı, medisina, injeneriia, jasandy intellekt, energetika jäne biotehnologiia siiaqty basym salalarǧa qajettı mamandardy daiarlauǧa basymdyq berılgen.
Ministrdıŋ aituynşa, tehnikalyq baǧyttardyŋ ülesı 2021 jylǧy 44,5 paiyzdan qazır 70 paiyzǧa deiın ösken.
2026 jyldan bastap «Bolaşaq» baǧdarlamasy aiasynda atom salasyna kadr daiarlau bastalady. Sonymen qatar jasandy intellekt boiynşa arnaiy taǧylymdamalar engızıledı.
