ازەربايجان پرەزيدەنتى يلحام اليەۆ پەن قىرعىزستان پرەزيدەنتى سادىر جاپاروۆ مەملەكەت باسشىسى قاسىم-جومارت توقاەۆتى جانە قازاقستان حالقىن قۇرىلتايدىڭ العاشقى سايلاۋىنىڭ ءساتتى وتۋىمەن قۇتتىقتادى، دەپ حابارلايدى «ادىرنا» ءتىلشىسى.
«قازاقستاننىڭ قوعامدىق-ساياسي ومىرىندەگى جاڭا تاريحي كەزەڭنىڭ باستالۋىن بىلدىرەتىن بۇل ماڭىزدى وقيعا ەلىڭىزدىڭ جان-جاقتى دامۋىنا، ءسىزدىڭ باستاماڭىزبەن جۇزەگە اسىرىلىپ جاتقان اۋقىمدى رەفورمالاردىڭ جالعاسۋىنا جانە الداعى مىندەتتەردىڭ ورىندالۋىنا قىزمەت ەتەدى دەپ سەنەمىن. قۇرىلتاي جۇمىسىنا تولاعاي تابىس تىلەيمىن»، – دەلىنگەن پرەزيدەنت اليەۆتىڭ قۇتتىقتاۋ حاتىندا.
ال قىرعىزستان باسشىسى ستراتەگيالىق ارىپتەستىك پەن وداقتاستىق قاتىناستار الداعى ۋاقىتتا دا نىعايا ءتۇسىپ، ەكى ەل حالقىنىڭ يگىلىگى ءۇشىن، سونداي-اق بۇكىل ورتالىق ازياداعى بەيبىتشىلىك، تۇراقتىلىق پەن دامۋدى قامتاماسىز ەتۋ ماقساتىندا جاڭا مازمۇنمەن تولىعا بەرەتىنىنە ءۇمىت ءبىلدىردى.
«ازاماتتاردىڭ ەركىن تاڭداۋى ناتيجەسىندە قالىپتاسقان قۇرىلتاي قازاقستاننىڭ مەملەكەتتىلىگىن نىعايتۋعا، قۇقىقتىق جانە قوعامدىق-ساياسي ينستيتۋتتاردى جەتىلدىرۋگە، سونداي-اق ەلدىڭ تۇراقتى الەۋمەتتىك-ەكونوميكالىق دامۋىن قامتاماسىز ەتۋگە ەلەۋلى ۇلەس قوساتىنىنا كامىل سەنەمىن. سىزگە زور دەنساۋلىق، مەملەكەتتىك قىزمەتىڭىزگە تابىس، ال باۋىرلاس قازاقستان حالقىنا بەيبىتشىلىك پەن وركەندەۋ تىلەيمىن»،– دەدى ول.
