Äzerbaijan prezidentı İlham Äliev pen Qyrǧyzstan prezidentı Sadyr Japarov memleket basşysy Qasym-Jomart Toqaevty jäne Qazaqstan halqyn Qūryltaidyŋ alǧaşqy sailauynyŋ sättı ötuımen qūttyqtady, dep habarlaidy «Adyrna» tılşısı.
«Qazaqstannyŋ qoǧamdyq-saiasi ömırındegı jaŋa tarihi kezeŋnıŋ bastaluyn bıldıretın būl maŋyzdy oqiǧa elıŋızdıŋ jan-jaqty damuyna, sızdıŋ bastamaŋyzben jüzege asyrylyp jatqan auqymdy reformalardyŋ jalǧasuyna jäne aldaǧy mındetterdıŋ oryndaluyna qyzmet etedı dep senemın. Qūryltai jūmysyna tolaǧai tabys tıleimın», – delıngen prezident Älievtıŋ qūttyqtau hatynda.
Al Qyrǧyzstan basşysy strategiialyq ärıptestık pen odaqtastyq qatynastar aldaǧy uaqytta da nyǧaia tüsıp, ekı el halqynyŋ igılıgı üşın, sondai-aq bükıl Ortalyq Aziiadaǧy beibıtşılık, tūraqtylyq pen damudy qamtamasyz etu maqsatynda jaŋa mazmūnmen tolyǧa beretınıne ümıt bıldırdı.
«Azamattardyŋ erkın taŋdauy nätijesınde qalyptasqan Qūryltai Qazaqstannyŋ memlekettılıgın nyǧaituǧa, qūqyqtyq jäne qoǧamdyq-saiasi instituttardy jetıldıruge, sondai-aq eldıŋ tūraqty äleumettık-ekonomikalyq damuyn qamtamasyz etuge eleulı üles qosatynyna kämıl senemın. Sızge zor densaulyq, memlekettık qyzmetıŋızge tabys, al bauyrlas Qazaqstan halqyna beibıtşılık pen örkendeu tıleimın»,– dedı ol.
