بۇگىن الماتىدا قۇرىلتاي سايلاۋىنا داۋىس بەرۋ ءوتىپ جاتىر. ءماسليحات دەپۋتاتتارى دا تاڭەرتەڭنەن وزدەرى تىركەلگەن سايلاۋ ۋچاسكەلەرىنە بارىپ، ازاماتتىق تاڭداۋىن جاساۋدا. ولاردىڭ بىرقاتارى داۋىس بەرۋگە وتباسىمەن، بالالارىمەن بىرگە كەلدى. بۇل – وسكەلەڭ ۇرپاققا ازاماتتىق جاۋاپكەرشىلىك پەن ەل ومىرىنە بەلسەندى ارالاسۋدىڭ ءمانىن ءوز ۇلگىسىمەن كورسەتۋدىڭ ءبىر كورىنىسى.
الماتى قالاسى ءماسليحاتىنىڭ توراعاسى مەيىرجان وتىنشيەۆ سايلاۋ ۋچاسكەلەرىندە العاشقى ساعاتتاردان-اق قالا تۇرعىندارىنىڭ بەلسەندىلىگى بايقالىپ وتىرعانىن اتاپ ءوتتى.
«بۇگىن سايلاۋ ۋچاسكەلەرىندە الماتىلىقتاردىڭ بەلسەندىلىگىن كورىپ وتىرمىز. ءماسليحات دەپۋتاتتارى دا داۋىس بەرۋگە بەلسەندى قاتىسىپ، بىرقاتارى سايلاۋ ۋچاسكەلەرىنە وتباسىمەن، بالالارىمەن بىرگە كەلۋدە. مۇنداي ساتتەردە ازاماتتىق ۇستانىم سوزبەن ەمەس، جەكە ۇلگىمەن دە قالىپتاسادى. ءاربىر وتباسىنىڭ تاڭداۋى مەن ءاربىر ازاماتتىڭ داۋىسى – ەلىمىزدىڭ ەرتەڭىنە دەگەن جاۋاپكەرشىلىك»، – دەدى مەيىرجان وتىنشيەۆ.
قالانىڭ ءار اۋدانىنداعى سايلاۋ ۋچاسكەلەرىندە داۋىس بەرۋ جالعاسۋدا.
