قۋىرشاق دەپۋتات ەمەسپىن - ايدوس سارىم

1245
Adyrna.kz Telegram

يۋتۋبتاعى "ORDA LIFE" ارناسىندا قر ءماجىلىس دەپۋتاتى ايدوس سارىمنىڭ سۇحباتى جاريالاندى.  سۇحباتتا دەپۋتات الداعى ۋاقىتتاعى گەوساياسي جاعداي، ساياسي مادەنيەت، ەلدەگى جاڭا سايلاۋ مادەنيەتىن قالىپتاستىرۋ، "استانا" اتاۋى سىندى تاقىرىپتاردا ءسوز قوزعايدى، دەپ حابارلايدى "ادىرنا" ۇلتتىق پورتالى. ءجۋرناليستىڭ قويعان سۇراعىنا ايدوس سارىم:

- الداعى ون جىلىمىز ارتتا قالعان وتىز جىلدىعىمىزدان قيىن بولۋى ىقتيمال، - دەپ  جاۋاپ قاتادى.

سۇحباتتا ەلوردانىڭ "استانا" اتانۋىنا، پرەزيدەنت سايلاۋ مەرزىمىنە قاتىستى ايتىلاتىن تۇستار بار.

"جەتى جىلدىقتى ءبىر ساتتە قابىلداپ تاستادىڭىزدار. توقاەۆ بيلىكتەن كەتكەننەن كەيىن 7 جىلدىقتى الىپ تاستاپ، كونستيتۋتسياعا تاعى وزگەرىس ەنگىزەسىزدەر مە؟ بۇل سىزدەر سەكىلدى قۋىرشاق دەپۋتاتتار تۇرعاندا تۇك تە ەمەس" دەگەن جۋرناليست تاراپىنان قويىلعان سۇراق جەلىسى ايدوس سارىمنىڭ اشۋىن تۋعىزدى. ساۋالعا دەپۋتات:

- كەشىرىڭىز، ءسوزىڭىزدى بايقاپ سويلەڭىز. مەن قۋىرشاق دەپۋتات ەمەسپىن. قايتا ءسىز قۋىرشاق ءباسپاسوز شىعارسىز، - دەپ جاۋاپ قاتقان.

ەستەرىڭىزگە سالا كەتەيىك، جاقىندا دەپۋتاتتار بۇرىن ءبىراۋىزدان وزگەرتىلگەن ەلوردامىزعا "استانا" اتاۋىن قايتارۋ مەن پرەزيدەنتتىك سايلاۋ مەرزىمىن وزگەرتۋدى ءبىر اۋىزدان قابىلداعان ەدى.

"ادىرنا" ۇلتتىق پورتالى

پىكىرلەر
ۇقساس جاڭالىقتار
Серіктестер/Партнеры
Студия IMA - создание сайтов Доставка цветов Астана - Lova Buket