بۇگىن وبلىس اكىمى مۇرات ەرگەشباەۆ «قۇزىرەتتىلىك ورتالىعىنداعى» №222 سايلاۋ ۋچاسكەسىنە بارىپ، قازاقستان رەسپۋبليكاسى قۇرىلتاي دەپۋتاتتارىنىڭ سايلاۋىندا داۋىس بەردى. تۇرعىندارمەن كەزدەسىپ، پىكىرلەرىن تىڭدادى.
«جىل باسىندا سىر بويىندا وتكەن ۇلتتىق قۇرىلتايدىڭ قورىتىندى بەسىنشى وتىرىسىندا پرەزيدەنتىمىز ەلىمىزدىڭ الداعى ستراتەگيالىق باعىتىن ايقىنداپ، كونستيتۋتسيالىق رەفورمالاردى ۇسىنعان بولاتىن.
جالپىحالىقتىق رەفەرەندۋم ارقىلى قابىلدانعان جاڭا كونستيتۋتسيامىز اسا اۋقىمدى قوعامدىق-ساياسي ۇدەرىستەرگە جول اشىپ، مەملەكەتتىك باسقارۋ جۇيەسىن جاڭعىرتۋعا مۇمكىندىك بەردى.
بۇگىن ءوتىپ جاتقان قۇرىلتاي دەپۋتاتتارىنىڭ سايلاۋى – ادىلەتتى ءارى قۋاتتى قازاقستاننىڭ جاڭا باعدارىن ايقىندايتىن تاريحي وقيعا.
جاڭا قۇرىلتاي پارلامەنتتىك جۇيەنىڭ تاريحي ساباقتاستىعىن ساقتاپ، ەگەمەن ەلىمىزدىڭ جارقىن بولاشاعىنا قىزمەت ەتەدى. سىر جۇرتشىلىعى ەلىمىزدىڭ ەرتەڭىنە بەيجاي قاراماي، بۇگىنگى سايلاۋعا دا بەلسەندى قاتىسادى دەپ سەنەمىن»، – دەدى مۇرات نالقوجاۇلى.
قىزىلوردا وبلىسىندا 500 591 داۋىس بەرۋشى تىزىمگە ەنگىزىلگەن، 386 ۋچاسكەدە 2720 كوميسسيا مۇشەسى قىزمەت اتقارادى. قىزىلوردا قالاسىندا 132 ۋچاسكە بار. ۋچاسكەلەر تاڭعى ساعات 6.00-دە اشىلدى. داۋىس بەرۋ 7.00-دەن باستالىپ، 20.00-گە دەيىن جۇرگىزىلەدى.
ازاماتتاردىڭ ۋچاسكەسىن انىقتاۋعا ارنالعان 4 ونلاين سەرۆيس جۇمىس ىستەيدى. سونداي-اق، ۋاقىتشا تىركەۋ قىزمەتىمەن اينالىساتىن 5 ۋچاسكە بار.
قيمىل-قوزعالىسى قيىن مۇگەدەكتىگى بار ازاماتتاردى تاسىمالداۋ ءۇشىن 67 ينۆاتاكسي، 45 سۋردواۋدارماشى ىمداۋ ءتىلى قىزمەتىن كورسەتۋدە.
ايتا كەتەيىك، ازاماتتاردىڭ داۋىس بەرۋ ۋچاسكەسىن ناقتىلاۋ ماقساتىندا Call-ورتالىق (109) جانە ء«وزىڭدى سايلاۋشىلار تىزىمىنەن تەكسەر» سەرۆيسى (saylau.orda.gov.kz/ru) جۇمىس ىستەيدى.
ءار ازامات جەكە سايكەستەندىرۋ ءنومىرىن تەرۋ ارقىلى قاي سايلاۋ ۋچاسكەسىندە تىركەلگەنىن جانە سول ۋچاسكەسىنىڭ قاي مەكەنجايدا ورنالاسقانىن كارتادان ونلاين كورە الادى.
سونىمەن قاتار، telegram-بوت (saylaukzo_Bot) جانە «Smart Qyzylorda» ءموبيلدى قوسىمشاسى ارقىلى تەكسەرۋ مۇمكىندىگى قاراستىرىلعان.
سايلاۋ ۋچاسكەلەرىندە ۇلتتىق ويىندار، تاقىرىپتىق كورمەلەر ۇيىمداستىرىلىپ، ونەرپازدار اننەن شاشۋ شاشتى.
