ءماجىلىس دەپۋتاتتارى سايلاۋ تۋرالى كونستيتۋتسيالىق زاڭعا تۇزەتۋلەر ەنگىزۋدى كوزدەيتىن زاڭ جوباسىن قاراۋعا الدى، دەپ حابارلايدى "ادىرنا" ۇلتتىق پورتالى.
قۇجاتتىڭ باستى ماقساتى – ءبىر كانديداتتىڭ ماجىلىسكە بىرنەشە سايلاۋ وكرۋگىنەن قاتار تۇسۋىنە تىيىم سالۋ. سونىمەن قاتار، ءماجىلىس پەن ءماسليحات سايلاۋىنا ءبىر مەزگىلدە قاتىسۋعا شەكتەۋ قويىلماق.
جوبا اياسىندا اكىمدەر ءۇشىن جەكە سايلاۋ قورى قۇرىلىپ، پرەزيدەنت، دەپۋتات، اكىم جانە ورتالىق سايلاۋ كوميسسياسىنىڭ مۇشەلىگىنە ۇمىتكەرلەرگە قويىلاتىن تالاپتار كۇشەيتىلەدى. اتاپ ايتقاندا، اۋىر قىلمىس ءۇشىن سوتتالعان ادامدار بۇل لاۋازىمدارعا كانديدات بولا المايدى.
دەپۋتات سنەجاننا يماشەۆا اتاپ وتكەندەي، قۇجاتتا سايلاۋ ءتارتىبىن جەتىلدىرۋ جانە نورمالاردى بۇزعاندارعا اكىمشىلىك جاۋاپكەرشىلىك ەنگىزۋ دە قاراستىرىلعان. ءماجىلىس دەپۋتاتتارى ۇسىنىستى قولداپ، زاڭ جوباسى زاڭناما جانە سوت-قۇقىقتىق رەفورما كوميتەتىنە جىبەرىلدى. كوميتەت الداعى ۋاقىتتا قۇجات بويىنشا قورىتىندى ازىرلەيدى.
