الماتىداعى MEGA Alma-Ata ساۋدا-ويىن-ساۋىق ورتالىعىندا ءورت دابىلى ىسكە قوسىلىپ، كەلۋشىلەر ەۆاكۋاتسيالاندى، دەپ حابارلايدى "ادىرنا" ءتىلشىسى.
وقيعا ورنىنا ءورت ءسوندىرۋ قىزمەتىنىڭ كولىكتەرى بارعان.
الەۋمەتتىك جەلىلەردە ساۋدا ورتالىعىنان ادامداردىڭ شىعارىلىپ جاتقان ءساتى جانە عيمارات ماڭىنداعى ءورت ءسوندىرۋ كولىكتەرى تۇسىرىلگەن بەينەجازبالار تارادى. كادرلاردا كەلۋشىلەردەن عيماراتتان شىعۋدى سۇراعانى ەستىلەدى.
ساۋدا ورتالىعى اكىمشىلىگىنىڭ مالىمەتىنشە، نىساندا اۆتوماتتى ءورت دابىلى ىسكە قوسىلعان.
«جاعداي باقىلاۋدا، بارلىق جۇيە شتاتتىق رەجيمدە جۇمىس ىستەپ تۇر. ورتالىق جۇمىسىن جالعاستىرۋدا. كەلۋشىلەردىڭ ءومىرى مەن دەنساۋلىعىنا قاۋىپ جوق. قازىر تەكسەرۋ جۇرگىزىلىپ، وقيعانىڭ ءمان-جايى انىقتالىپ جاتىر»، – دەپ حابارلادى ساۋدا ورتالىعىنىڭ اكىمشىلىگى.
الماتى قالاسىنىڭ تجد شاقىرتۋ بويىنشا ءورت ءسوندىرۋ قىزمەتى بارعانىن، الايدا جوعارى شاقىرتۋ دارەجەسى راستالماعانىن اتاپ ءوتتى.
«اشىق جانۋ انىقتالعان جوق. اۆتوماتتى ءورت دابىلىنىڭ نە سەبەپتى ىسكە قوسىلعانىن ماماندار انىقتايدى»، – دەدى قالالىق تجد ءباسپاسوز قىزمەتى.
