Almatydaǧy MEGA Alma-Ata sauda-oiyn-sauyq ortalyǧynda ört dabyly ıske qosylyp, keluşıler evakuasiialandy, dep habarlaidy "Adyrna" tılşısı.
Oqiǧa ornyna ört söndıru qyzmetınıŋ kölıkterı barǧan.
Äleumettık jelılerde sauda ortalyǧynan adamdardyŋ şyǧarylyp jatqan sätı jäne ǧimarat maŋyndaǧy ört söndıru kölıkterı tüsırılgen beinejazbalar tarady. Kadrlarda keluşılerden ǧimarattan şyǧudy sūraǧany estıledı.
Sauda ortalyǧy äkımşılıgınıŋ mälımetınşe, nysanda avtomatty ört dabyly ıske qosylǧan.
«Jaǧdai baqylauda, barlyq jüie ştattyq rejimde jūmys ıstep tūr. Ortalyq jūmysyn jalǧastyruda. Keluşılerdıŋ ömırı men densaulyǧyna qauıp joq. Qazır tekseru jürgızılıp, oqiǧanyŋ män-jaiy anyqtalyp jatyr», – dep habarlady sauda ortalyǧynyŋ äkımşılıgı.
Almaty qalasynyŋ TJD şaqyrtu boiynşa ört söndıru qyzmetı barǧanyn, alaida joǧary şaqyrtu därejesı rastalmaǧanyn atap öttı.
«Aşyq janu anyqtalǧan joq. Avtomatty ört dabylynyŋ ne sebeptı ıske qosylǧanyn mamandar anyqtaidy», – dedı qalalyq TJD baspasöz qyzmetı.
