الماتىداعى ءال-فارابي داڭعىلىندا اۆتوبۋس پەن بەس كولىك جول اپاتىنا ۇشىرادى. جۇرگىزۋشىنىڭ جۇرەگى توقتاپ قالعانى تۋرالى اقپارات تارادى. بۇل تۋرالى الماتى پوليتسيا دەپارتامەنتى مالىمدەدى، دەپ حابارلايدى “ادىرنا”.
الماتى پوليتسيا دەپارتامەنتىنىڭ مالىمەتىنشە، وقيعا بوستاندىق اۋدانىندا ساعات 11:30-دا تىركەلگەن.
"BYD كولىگىنىڭ 1975 جىلى تۋعان جۇرگىزۋشىسى ءال-فارابي داڭعىلىمەن باتىسقا قاراي كەلە جاتىپ، جاعدايىنىڭ كۇرت ناشارلاۋىنا بايلانىستى سول باعىتتا قاتار ءجۇرىپ بارا جاتقان بەس كولىككە سوقتىعىستى.
كولىكتەردىڭ اراسىندا Chevrolet, Ford, Subaru, Volkswagen جانە Yutong بار. الدىن الا مالىمەتتەر بويىنشا، ەر ادام ءوزىن ناشار سەزىنگەن. الدىن الا دياگنوز – جۇرەك جەتكىلىكسىزدىگى. ونىڭ جۇرەگى توقتاعانى انىقتالدى", - دەلىنگەن ۆەدومستۆو حابارلاماسىندا.
ەسكە سالساق، بۇعان دەيىن الماتىدا جۇرگىزۋشى اۆتوبۋس جۇرگىزىپ كەلە جاتىپ، جۇرەگى توقتاپ قالعانىن حابارلادىق. جولاۋشىلاردىڭ ءبىرى تەجەگىشتى باسىپ، جەدەل توقتاتقان. قايعىلى جاعداي 25 قاڭتار كۇنى اباي داڭعىلى مەن ساين كوشەسىنىڭ قيىلىسىندا بولعان.
