الماتى اكىمى ەربولات دوساەۆ الەۋمەتتىك-مادەني كەڭىستىكتىڭ تەڭ اۆتورى داۋرەن تولەەۆپەن، باسقارۋشى سەرىكتەستەر رۋستام قوجاعاليەۆ جانە نافيسات ەرماعامبەتوۆامەن قالانىڭ كرەاتيۆتى يندۋستريالارىن دامىتۋ پەرسپەكتيۆالارىن تالقىلادى، دەپ حابارلايدى "ادىرنا" ءتىلشىسى.
بارىباەۆ كوشەسى، 36-شى ءۇي «36-شى ءۇي» - الاڭى 1,5 مىڭ شارشى مەتردەن اساتىن زاماناۋي كرەاتيۆتى كەڭىستىك، مۇندا ونەر مەن مادەنيەت سالاسىنداعى جوبالار مەن باعدارلامالار جۇزەگە اسىرىلادى. جوبا 13 تۇراقتى رەزيدەنتتى، ساۋلەت بيۋروسىن، بالەت مەكتەبىن، ءبىلىم بەرۋ قىزمەتىن، ونىڭ ىشىندە NEET جاستارىن وقىتاتىن، مۋزىكالىق اسپاپتاردا ويناۋدى ۇيرەتەتىن ۇيىرمەلەردى جانە باسقالاردى بىرىكتىرەدى.
«36-شى ءۇي» جوباسى 2020 جىلدىڭ ءساۋىر ايىندا ىسكە قوسىلدى جانە بۇگىندە كرەاتيۆتى يندۋستريا وكىلدەرى ءۇشىن وزىندىك تارتىلىس ورنىنا اينالدى. قىسقا مەرزىم ىشىندە جوبانى ۇيىمداستىرۋشىلار 100 – گە جۋىق ءتۇرلى ءىس-شارالاردى - كورمەلەر، كونتسەرتتەر، ۆەرنيساجدار، تەاتر قويىلىمدارىن، فەستيۆالداردى، تالىمگەرلىك جانە بيزنەستى دامىتۋ باعدارلامالارىن جانە تاعى باسقالارىن وتكىزدى. اتالعان شارالارمەن جالپى 25 مىڭنان استام ادام قامتىلدى.كەزدەسۋ بارىسىندا الەۋمەتتىك-مادەني كەڭىستىكتىڭ وكىلدەرى قالا باسشىسىنا جوبانىڭ اۋقىمىن ۇلعايتۋدى، ياعني الماتىنىڭ باسقا دا اۋداندارىندا جاڭا كرەاتيۆتى كەڭىستىكتەر قۇرۋدى ۇسىندى.
ەربولات دوساەۆ بۇل يدەيانى قولدادى، سونداي-اق جوبا رەزيدەنتتەرىن پەرسپەكتيۆالى قالالىق جوبالاردى، قوعامدىق كەڭىستىكتەردى، ونىڭ ىشىندە ولاردى تۇجىرىمداما ساتىسىندا ازىرلەۋگە قاتىسۋعا شاقىردى، سونداي-اق الماتى قالاسى اكىمدىگىنىڭ ارنايى باعدارلامالارى اياسىندا جاستاردى وقىتۋعا قاتىسۋدى ۇسىندى.
قازىرگى ۋاقىتتا الماتىدا كرەاتيۆتى يندۋستريا سالاسىندا 27 200 كاسىپورىن تىركەلگەن، ونىڭ ىشىندە جۇمىس ىستەپ تۇرعاندارى – 22 020. 2017 جىلدان بەرى اقپاراتتىق جۇيەلەردى جوبالاۋ، باعدارلامالىق قامتاماسىز ەتۋ، ۆەب-پورتالداردى ازىرلەۋ، مۋزىكا، كينويندۋستريا، جارناما، ماركەتينگ، ءبىلىم بەرۋ جانە مادەنيەت سالاسىنداعى كرەاتيۆتى قىزمەتتىڭ ەداۋىر وسكەنىن كورسەتتى.
