ساۋد ارابياسىنىڭ ء«ال-ناسر» كلۋبى مەن پورتۋگاليا قۇراماسىنىڭ شابۋىلشىسى كريشتيانۋ رونالدۋ فۋتبول تاريحىندا جاڭا رەكورد ورناتتى، دەپ حابارلايدى “ادىرنا” ءتىلشىسى.
ول قاتارىنان 25 ماۋسىم بويى كەمىندە ءبىر گول سوققان العاشقى فۋتبولشى اتاندى.
ساۋد ارابياسى چەمپيوناتىنىڭ العاشقى تۋرىندا ء«ال-ناسر» ءوز الاڭىندا ء«ال-ريادتى» 4:0 ەسەبىمەن جەڭدى. كەزدەسۋدە ابدۋلەلا ءال-امري (18-مينۋت), انجەلو گابريەل (45+1), جواۋ فەليكس (58) جانە كريشتيانۋ رونالدۋ (83) گول سوقتى.
رونالدۋ ماتچقا 62-مينۋتتا قوسىلىپ، 83-مينۋتتا ەسەپتى 4:0-گە جەتكىزدى.
41 جاستاعى فۋتبولشى ءۇشىن بۇل رەسمي ماتچتارداعى 977-ءشى گول بولدى. وسىلايشا، رونالدۋ 1000 گول مەجەسىنە جەتۋ ءۇشىن تاعى 23 گول سوعۋى قاجەت.
پورتۋگاليالىق شابۋىلشىنىڭ 25 ماۋسىمدىق گول سەرياسى 2002-2003 جىلعى ماۋسىمدا «سپورتينگ» كلۋبى ساپىندا باستالعان. سول ماۋسىمدا ول كاسىبي مانسابىنداعى العاشقى گولىن سوققان.
