ۇلىتاۋ وبلىسىنىڭ اكىمى داستان رىسپەكوۆ «ۇلىتاۋ» فۋتبول كلۋبىنىڭ جاتتىعۋىنا قاتىسىپ، كوماندا ويىنشىلارىمەن جانە جاتتىقتىرۋشىلار شتابىمەن كەزدەستى. كەزدەسۋ بارىسىندا ءوڭىر باسشىسى كوماندانىڭ الداعى ماتچتارعا دايىندىعى مەن ويىنشىلاردىڭ كوڭىل كۇيى تۋرالى سۇحباتتاستى.
داستان رىسپەكوۆ فۋتبولشىلارعا ءساتتى ويىن تىلەپ، ماۋسىمداعى العاشقى ءۇي ماتچىندا جەڭىس تىلەدى. اتالعان كەزدەسۋ دۇيسەنبى كۇنى ساعات 14:00-دە جەزقازعان قالاسىنداعى «مەتاللۋرگ» ستاديونىندا وتەدى.
ءوز كەزەگىندە «ۇلىتاۋ» فۋتبول كومانداسىنىڭ باس جاتتىقتىرۋشىسى ۇجىم اتىنان وبلىس اكىمىنە كلۋبقا كورسەتىپ وتىرعان قولداۋى مەن قويىلعان مىندەتتەردى ورىنداۋعا قولايلى جاعداي جاساپ وتىرعانى ءۇشىن العىس ءبىلدىردى.
ايتا كەتەيىك، بيىل كوماندا قۇرامىندا 25 ويىنشى بار. ونىڭ ىشىندە 12 فۋتبولشى ۇلىتاۋ وبلىسىنىڭ نامىسىن العاش رەت قورعايتىن بولادى. العاشقى ءۇي ماتچى 16 ناۋرىز كۇنى «ۇلىتاۋ» جانە «Qyziljar» كوماندالارى اراسىندا وتەدى.
سونىمەن قاتار، 2026 جىلى فۋتبول كلۋبىن قولداۋ ماقساتىندا قوسىمشا دەمەۋشىلەر تارتىلىپ، كوماندانىڭ جاتتىعۋ وتكىزۋى مەن ماتچتارىن ۇيىمداستىرۋعا قولايلى جاعداي جاساۋعا مۇمكىندىك بەرىلدى.
قازىرگى ۋاقىتتا كوماندا الداعى ويىنعا بەلسەندى دايىندالىپ، جانكۇيەرلەردىڭ قولداۋىنا سەنىم ارتىپ وتىر.
