2023 جىلدىڭ ءۇشىنشى توقسانىندا جۇرگىزىلگەن ساۋالناما ناتيجەلەرى قازاقستان حالقىنىڭ 5,6%-نىڭ تابىسى ەڭ تومەنگى كۇنكورىس دەڭگەيىنەن تومەن ەكەنىن كورسەتتى. بۇل اقپارتتى ۇلتتىق ستاتيستيكالىق بيۋرو جاريالادى، دەپ حابارلايدى “ادىرنا” ۇلتتىق پورتالى.
ەلىمىزدە ەڭ تومەنگى كۇنكورىس دەڭگەيى 51 710 تەڭگەنى قۇرادى.
كەدەيشىلىكتىڭ ەڭ جوعارى دەڭگەيى تۇركىستان وبلىسىندا – 9,6%، ال ەڭ تومەنى قاراعاندى وبلىسى مەن استانا قالاسىندا – 2,7% تىركەلدى.
بەس جانە ودان دا كوپ ادامى بار وتباسىلارداعى كەدەيشىلىك دەڭگەيى 10% قۇرادى، بۇل كەدەيشىلىكتىڭ ورتاشا دەڭگەيىنىڭ ەكى ەسەسى.
تابىسى ەڭ تومەنگى كۇنكورىس دەڭگەيىنەن از قازاقستان تۇرعىندارىنىڭ سانى ەكىنشى توقسانمەن سالىستىرعاندا 9 پايىزعا ءوسىپ، 1,1 ميلليون ادامنان استى. ءبىرىنشى نەسيە بيۋروسى بۇل سوڭعى 13 جىلداعى ەڭ جوعارى كورسەتكىش ەكەنىن اتاپ ءوتتى.
