JAQ.OrtCom قۇرىلتاي سايلاۋى قارساڭىندا اقپاراتتىق كەڭىستىكتە شىنايى ەمەس مالىمەتتەر، فەيكتەر مەن ارانداتۋشىلىق ماتەريالداردىڭ جاپپاي تارالۋى تىركەلىپ وتىرعانىن حابارلايدى.
اقپاراتتىق ىقپال ەتۋ تەحنولوگيالارىنىڭ جۇيەلى تۇردە قولدانىلىپ جاتقانى بايقالادى. العاشقى كەزەڭدە ارانداتۋشىلىق سيپاتتاعى اقپاراتتىق سەبەپ قالىپتاستىرىلادى، كەيىن ول ءانونيمدى الاڭداردا جاريالانىپ، ودان سوڭ بوت-جەلىلەر ارقىلى ءبىر مەزەتتە جاپپاي تاراتىلادى. بۇل جاپپاي تارالۋ اسەرىن جاساندى تۇردە قالىپتاستىرىپ، كەڭ قوعامدىق رەزونانس بار دەگەن جالعان تۇسىنىك تۋعىزۋعا مۇمكىندىك بەرەدى.
جاريالانىمداردىڭ بىردەي تەزيستەرمەن جانە ۇقساس ۆيزۋالدىق بەزەندىرۋمەن سينحروندى تۇردە شىعۋى ولاردىڭ ورتالىقتاندىرىلعان ءارى ۇيىمداسقان سيپاتتا ەكەنىن كورسەتەدى. كەيىننەن بۇل حابارلامالار ءتۇرلى پلاتفورمالاردا جاپپاي تاراتىلادى.
تارالۋدىڭ نەگىزگى ارنالارى – ءانونيمدى Telegram-ارنالار، الەۋمەتتىك جەلىلەردەگى قاۋىمداستىقتار جانە ءوزارا بايلانىستى بوت-اككاۋنتتاردان قۇرالعان «جەلىلەر». جەكەلەگەن جاعدايلاردا شەتەلدەن ۇيلەستىرىلگەن جۇمىستىڭ ايقىن بەلگىلەرى بايقالادى.
مۇنداي ناۋقانداردى ۇيىمداستىرۋشىلار مەن ورىنداۋشىلاردىڭ نازارىندا قوعام ءۇشىن اسا ماڭىزدى تاقىرىپتار – سايلاۋ پروتسەسى، سىرتقى ساياسات جانە الەۋمەتتىك-ەكونوميكالىق ماسەلەلەر تۇر.
مۇنداي كونتەنتتىڭ ەداۋىر بولىگى جاساندى ينتەللەكت تەحنولوگيالارىنىڭ كومەگىمەن جاسالادى. جالعان، بىراق شىنايى كورىنەتىن اۋديو-, فوتو- جانە بەينەماتەريالدار – ديپفەيكتەر ازىرلەنىپ، كەيىن كەڭىنەن تاراتىلادى.
مۇنداي ارەكەتتەردىڭ ماقساتى – مەملەكەتتىك ينستيتۋتتار مەن لاۋازىمدى تۇلعالاردىڭ بەدەلىن ءتۇسىرۋ، بيلىك ينستيتۋتتارىنا دەگەن سەنىمدى السىرەتۋ جانە قوعامدا جاساندى تۇردە الەۋمەتتىك شيەلەنىس قالىپتاستىرۋ.
ەسكە سالايىق، بۇعان دەيىن JAQ.OrtCom قۇرىلتاي سايلاۋى جاقىنداعان سايىن اقپاراتتىق-مانيپۋلياتسيالىق ناۋقانداردىڭ كۇشەيۋى مۇمكىن ەكەنىن ەسكەرتكەن بولاتىن. سايلاۋ كەزەڭىندە مۇنداي شابۋىلدار ازاماتتاردىڭ سايلاۋ پروتسەسىنە دەگەن سەنىمىن تومەندەتۋگە باعىتتالادى. ولاردىڭ ماقساتى – قوعامدا الاڭداۋشىلىق تۋعىزىپ، سىندارلى ديالوگتى ءوزارا ايىپتاۋلار مەن اشىق تەكەتىرەس ارناسىنا بۇرۋ.
جالپى، سايلاۋ ناۋقانى كەزەڭىندە الەۋمەتتىك پلاتفورمالاردا، سايتتاردا جانە وزگە دە رەسۋرستاردا ەكى جۇزدەن استام ءانونيمدى جانە دەسترۋكتيۆتى اككاۋنت ارقىلى تاراتىلعان شامامەن ون بەس سەريالى اقپاراتتىق ماتەريال تىركەلدى. ولاردىڭ قاتارىندا جاساندى ينتەللەكت تەحنولوگيالارىن پايدالانۋ، مانيپۋلياتسيالىق اقپارات تاراتۋ، قۇجاتتاردى قولدان جاساۋ، قازاقستاندىق جانە شەتەلدىك تانىمال تۇلعالاردىڭ، سونداي-اق مەملەكەتتىك ورگاندار باسشىلارىنىڭ بەينەسىن پايدالانا وتىرىپ جاسالعان ديپفەيكتەر بولدى.
ولاردى بەيتاراپتاندىرۋ ماقساتىندا 44 ماتەريال شىقتى. اتاپ ايتقاندا، بەينەروليكتەر، نۇسقاۋلىقتار، اقپاراتتىق-اعارتۋشىلىق پوستەرلەر، سونداي-اق سايلاۋ ناۋقانى توڭىرەگىندە كەڭ تارالعان جانە قايتالاناتىن ميفتەردى جوققا شىعارۋعا، حالىقتىڭ اقپاراتتىق ساۋاتتىلىعىن ارتتىرۋعا باعىتتالعان جاريالانىمدار دايىندالىپ، جاريالاندى.
JAQ.OrtCom ازاماتتاردى ءانونيمدى دەرەككوزدەردەن تارالاتىن اقپاراتقا، اسىرەسە ەموتسيالىق جانە ارانداتۋشىلىق سيپاتتاعى جاريالانىمدارعا سىني تۇرعىدان قاراۋعا شاقىرادى. ءبىر حابارلامانىڭ ونداعان ارنا مەن اككاۋنتتا ءبىر مەزگىلدە پايدا بولۋى ونىڭ شىنايىلىعىنىڭ دالەلى بولىپ تابىلمايدى.
باستاپقى دەرەككوزدى تەكسەرىڭىز، اقپاراتتى رەسمي دەرەكتەرمەن جانە كاسىبي بۇقارالىق اقپارات قۇرالدارىنىڭ ماتەريالدارىمەن سالىستىرىڭىز. شىنايىلىعى راستالماعان مالىمەتتەردى تاراتپاڭىز.
ءانونيمدى رەسۋرستارعا، بوت-جەلىلەرگە جانە سىرتقى مانيپۋلياتسيا مەن جالعان اقپارات ورتالىقتارىنا ءسىزدى دەسترۋكتيۆتى اقپاراتتىق كۇن ءتارتىبىن تاراتۋ ءۇشىن پايدالانۋعا جول بەرمەڭىز.
