تسيفرلىق تەحنولوگيالار مەن ينتەرنەت قارقىندى دامىعان زاماندا جالعان اقپاراتتىڭ تارالۋى جانە قۇمار ويىندارعا تاۋەلدىلىك ارتقان.
جالعان اقپارات نەمەسە فەيك جاڭالىقتار – شىندىققا جاناسپايتىن، ادەيى اداستىرۋ ماقساتىندا تاراتىلاتىن حابارلامالار. مۇنداي اقپاراتتار ازاماتتاردىڭ وي-پىكىرى مەن شەشىم قابىلداۋىنا اسەر ەتىپ، قوعامدىق تۇراقتىلىق پەن قاۋىپسىزدىككە قاتەر توندىرەدى.
جالعان اقپاراتپەن كۇرەسۋدىڭ العاشقى قادامى - مەدياساۋاتتىلىقتى ارتتىرۋ.ء ار ادام اقپاراتتى سىن كوزبەن قابىلداپ، ونىڭ شىنايىلىعىن باعالاي ءبىلۋى قاجەت.
ەكىنشىدەن، كەز كەلگەن سالاعا قاتىستى اقپاراتتى تەك مەملەكەتتىك ورگانداردىڭ رەسمي پاراقشالارى مەن كاسىبي جۋرناليستيكا تالاپتارىنا ساي جۇمىس ىستەيتىن باق ارقىلى وقىپ، قاراۋ كەرەك.
ۇشىنشىدەن، ءاربىر تۇلعا قازاقستان رەسپۋبليكاسىنىڭ قىلمىستىق كودەكسىندە جالعان اقپارات تاراتقاندارعا قولدانىلاتىن جازا تۋرالى ءبىلۋى ءتيىس. ەلىمىزدە بۇگىندە جالعان اقپاراتتى تاراتقان جاعدايدا 3 جىلعا دەيىنگى جازا تاعايىندالعان (274-باپ). بۇل نورما ازاماتتاردىڭ اقپارات تاراتۋداعى جاۋاپكەرشىلىگىن كۇشەيتۋدى كوزدەيدى
ەلىمىزدە جالعان اقپاراتپەن كۇرەسۋمەن قاتار، لۋدومانيا دا بەلەڭ الىپ جاتىر. ول - قۇمار ويىندارعا، اسىرەسە ونلاين-ءباس تىگۋ مەن كازينوعا پاتولوگيالىق تاۋەلدىلىك.
لۋدومانيا - قارجىلىق قيىندىقتارعا ۇشىراتىپ، قارىزعا باتىرادى. سونداي-اق، وتباسىلىق جانجالدار مەن اجىراسۋعا سەبەپ بولۋى، جۇمىسسىزدىق، قوعامنان وقشاۋلانۋ، دەپرەسسيا، وزىنە-ءوزى قول جۇمساۋعا دەيىن اپاراتىن پسيحيكالىق كۇيزەلىسكە اكەپ سوقتىرۋى مۇمكىن.
زەرتتەۋلەرگە سايكەس، كوپ جاعدايدا لۋدومانيا جاسىرىن تۇردە داميدى. ادام ءوز تاۋەلدىلىگىن مويىندامايدى، ءارى ونى قالىپتى ادەت رەتىندە قابىلدايدى.
2024 جىلى قابىلدانعان زاڭ بويىنشا ونلاين-كازينو مەن ءباس تىگۋ جارنامالارىنا شەكتەۋ قويىلدى. قارجى ينستيتۋتتارى ارقىلى تولەم جاساۋعا دا شەكتەۋلەر ەنگىزىلگەن. بۇگىندە ەلىمىزدە قۇمار ويىنعا تاۋەلدى ازاماتتار ءۇشىن پسيحولوگيالىق كومەك ورتالىقتارى جۇمىس ىستەيدى.
