اقش مەملەكەتتىك دەپارتامەنتى تۇركياعا ءوز قورىنداعى 70 M39 ATACMS جەدەل-تاكتيكالىق زىمىرانىن ۋكرايناعا بەرۋىنە رۇقسات بەرۋدى جوسپارلاپ وتىر. بۇل تۋرالى اقش كونگرەسىنە رەسمي حابارلاما جولدانعان، دەپ جازادى "ادىرنا".
6 تامىزدا Congressional Record باسىلىمىندا جاريالانعان قۇجاتتا ۋكرايناعا بەرىلەتىن اسكەري تەحنيكا مەن وق-دارىلەردىڭ ءتىزىمى كورسەتىلگەن.
جەتكىزىلىمدەر پاكەتىنە:
- 70 M39 ATACMS زىمىرانى;
- 12 M270 MLRS رەاكتيۆتى زالپپەن وق اتۋ جۇيەسى;
- كاسسەتالىق وقتۇمسىقتارى بار شامامەن 2,5 مىڭ M26 زىمىرانى;
- 47 مىڭ ارتيللەريالىق سنارياد كىرەدى.
اقش مەملەكەتتىك دەپارتامەنتىنىڭ مالىمەتىنشە، اتالعان قارۋ-جاراق ۋكرايناعا قايتارىمسىز نەگىزدە بەرىلەدى.
كەلىسىمدى ۇيىمداستىرۋ جۇمىستارىنا تۇركيانىڭ MKE A.S.، ASFAT جانە ARCA Savunma كومپانيالارى، بولگاريانىڭ VTIC International Ltd.، سونداي-اق اقش-تىڭ Pansophico جانە Patriot Defense Groupكومپانيالارى قاتىسادى.
قۇجاتتا قارۋ-جاراقتى ۋكرايناعا جەتكىزۋدىڭ ناقتى مەرزىمى كورسەتىلمەگەن. سونداي-اق بۇل حابارلاما اقش-تىڭ تۇركياعا قارۋدى بەرۋىنە رۇقسات بەرۋ نيەتىن بىلدىرەدى، ياعني جەتكىزىلىمنىڭ جۇزەگە اسقانى تۋرالى اقپارات ەمەس.
