«رەسەيدە قۇداي اۋىستى». وتاندىق جۋرناليست سوعىس سالدارىن ايتىپ بەردى

2542
Adyrna.kz Telegram
فوتو: EPA / تاسس
فوتو: EPA / تاسس

رەسەيلىك جۋرناليست، نوبەل سىيلىعىنىڭ يەگەرى  دميتري مۋراتوۆ گەرمانيادا وتكەن Global Media Forum كونفەرەنتسياسىندا رەسەي مەن ۋكراينا اراسىنداعى سوعىستىڭ سالدارىن ايتىپ بەردى، دەپ حابارلايدى “ادىرنا” ۇلتتىق پورتالى.

ونىڭ ايتۋىنشا، رەسەي مەن ۋكراينا ەندى ەشقاشان باۋىرلاس حالىق بولا المايدى.

رەسەيدە «سوعىس» سوزىنە تىيىم سالىنعاندىقتان جانە «توزاق» ءسوزىن ايتۋعا ءالى دە رۇقسات ەتىلگەندىكتەن، مەن «توزاق» ءسوزىن قولدانامىن. ارنايى اسكەري وپەراتسيا جالعاسىپ جاتىر. الايدا ونىڭ ناتيجەسى قازىردىڭ وزىندە تۇسىنىكتى. مەن سىزدەرگە سونىڭ سالدارىن ايتايىن.  ۋكراينا مەن رەسەي ەندى ەشقاشان بىرگە بولمايدى، ەندى ەشقاشان باۋىرلاس حالىق بولمايدى، اسىرەسە ءبىرى ءوزىن اعا ساناپ وتىرسا، - دەيدى دميتري مۋراتوۆ.

سونداي-اق، ول رەسەيدە ءىرى گەوگرافيالىق جاڭالىق بار، ياعني رەسەي ءۇشىن ەندى ەۋروپاعا جول جابىلعانىنى ايتتى.

رەسەيدە قۇداي اۋىستى، رەسەيلىك پراۆوسلاۆيە شىركەۋى ارنايى اسكەري وپەراتسيانى قولداپ، ءولىمدى ناسيحاتتاي باستادى. وتان ءۇشىن ءومىر ەمەس، وتان ءۇشىن ءولىم – بۇل جاڭا ءدىن. شىركەۋ قىزمەتكەرى ۇلىنان ايىرىلعان انالاردىڭ نەلىكتەن جىلايتىنىن بىلاي تۇسىندىرەدى. پروتويەرەي ۆاسيلەۆ: «ەگەر ءسىز كونتراتسەپتيۆتەردى قولدانباساڭىز، كوپ بالا تۋار ەدىڭىز، سىزدە جالعىز بالا بولماس ەدى، سودان كەيىن ونىمەن قوشتاسۋ سونشالىقتى قورقىنىشتى بولماس ەدى» دەيدى. بۇل تەلەديداردان ايتىلدى. مىنە، تاعى ءبىر تەرىس ناتيجە، - دەيدى جۋرناليست.

ءجۋرناليستىڭ سوزىنە سۇيەنسەك، رەسەيدى سوعىس باستالعالى بەيبىتشىلىكتى جاقتاعاندارعا قاتىستى 20 مىڭ ءىس اشىلعان. ءتىپتى پارلامەنتتە بەيبىتشىلىكتى جاقتايتىن بىردە-ءبىر دەپۋتات جوق كورىنەدى.

نەلىكتەن ولار بۇلىك شىعارمايدى؟ بارلىق ورىس قۇل ما؟ مەن بۇل سۇراقتان قاشپايمىن، سۇراققا سۇراقپەن جاۋاپ بەرەمىن. قايدا ايتۋ كەرەك؟ قايدا نارازىلىق بىلدىرۋگە بولادى؟ ميتينگكە تىيىم سالىنعان. 600 ساياسي تۇتقىن تۇرمەدە وتىر. بەيبىتشىلىكتى جاقتاعاندارعا قاتىستى 20 مىڭ ءىس اشىلدى. 300 تاۋەلسىز مەديا جابىلدى. پارلامەنتتە بەيبىتشىلىكتى جاقتايتىن بىردە-ءبىر دەپۋتات جوق. قاماۋدا وتىرعان ادامدارعا قۇرمەت كورسەتىپ، جاناشىرلىق تانىتىپ، كومەكتەسۋىمىز كەرەك، - دەدى دميتري مۋراتوۆ.

پىكىرلەر