قازاق ەلىنەن الىستاعى باۋىرلارعا ارنايى اتتانعان قۇتقارۋشىلار مەن دارىگەرلەر تۇركيانىڭ گازيانتەپ ايماعىنا جەتتى. ولار بىردەن ىسكە كىرىسىپ، تۇركيا تۇرعىندارىنا كومەك كورسەتىپ جاتىر، دەپ حابارلايدى "ادىرنا" ۇلتتىق پورتالى.
قازاقستاننىڭ ىستانبۇلداعى باس كونسۋلى ءالىم بايەل ءوزىنىڭ الەۋمەتتىك جەلىدەگى پاراقشاسىندا:
- قازاقستان جولداعان قۇتقارۋشىلار مەن دارىگەرلەر تۇركيانىڭ گازيانتەپ قالاسىنداعى اۋەجايعا ۇشىپ كەلدى. ەلشى باستاعان ديپلوماتتارىمىز قاستارىندا، - دەپ جازدى.
جاساق قۇرامىندا قازاقستان تجم قۇتقارۋشىلارى، كينولوگيالىق ەسەپتەر جانە اپاتتار مەديتسيناسى ورتالىعىنىڭ مەديتسينا قىزمەتكەرلەرى بار.
"ادىرنا" ۇلتتىق پورتالى
