AQŞ Memlekettık departamentı Türkiiaǧa öz qoryndaǧy 70 M39 ATACMS jedel-taktikalyq zymyranyn Ukrainaǧa beruıne rūqsat berudı josparlap otyr. Būl turaly AQŞ Kongresıne resmi habarlama joldanǧan, dep jazady "Adyrna".
6 tamyzda Congressional Record basylymynda jariialanǧan qūjatta Ukrainaǧa berıletın äskeri tehnika men oq-därılerdıŋ tızımı körsetılgen.
Jetkızılımder paketıne:
- 70 M39 ATACMS zymyrany;
- 12 M270 MLRS reaktivtı zalppen oq atu jüiesı;
- kassetalyq oqtūmsyqtary bar şamamen 2,5 myŋ M26 zymyrany;
- 47 myŋ artilleriialyq snariad kıredı.
AQŞ Memlekettık departamentınıŋ mälımetınşe, atalǧan qaru-jaraq Ukrainaǧa qaitarymsyz negızde berıledı.
Kelısımdı ūiymdastyru jūmystaryna Türkiianyŋ MKE A.S., ASFAT jäne ARCA Savunma kompaniialary, Bolgariianyŋ VTIC International Ltd., sondai-aq AQŞ-tyŋ Pansophico jäne Patriot Defense Groupkompaniialary qatysady.
Qūjatta qaru-jaraqty Ukrainaǧa jetkızudıŋ naqty merzımı körsetılmegen. Sondai-aq būl habarlama AQŞ-tyŋ Türkiiaǧa qarudy beruıne rūqsat beru nietın bıldıredı, iaǧni jetkızılımnıŋ jüzege asqany turaly aqparat emes.
