قىزىلوردا وبلىسى پوليتسيا دەپارتامەنتىنىڭ قىزمەتكەرلەرى قالا كوشەلەرىندە تازالىق پەن ەكولوگيالىق ءتارتىپتى قامتاماسىز ەتۋ ماقساتىندا «تازا قازاقستان» ەكولوگيالىق اكتسياسىن وتكىزۋدە.
ءىس-شارا بارىسىندا قوقىستى بەلگىلەنبەگەن ورىندارعا تاستاعان جانە سانيتاريالىق تالاپتاردى بۇزعان بىرقاتار ازاماتتار انىقتالىپ، ولارعا قاتىستى زاڭ تالاپتارىنا سايكەس ءتيىستى شارالار قابىلداندى.
اكتسيا اياسىندا قالا اكىمدىگى جانە «قىزىلوردا تازالىعى» مەكەمەسىمەن بىرلەسىپ ارنايى جۇمىس توپتارى قۇرىلىپ، رەيدتىك ءىس-شارالار ۇيىمداستىرىلدى. تەكسەرۋ بارىسىندا كەيبىر كاسىپكەرلىك نىساندارىندا اباتتاندىرۋ جانە تازالىق تالاپتارىنىڭ ساقتالماعانى انىقتالدى. وسىعان بايلانىستى ۋچاسكەلىك پوليتسيا ينسپەكتورلارى تاراپىنان ءتۇسىندىرۋ جۇمىستارى جۇرگىزىلىپ، ەسكەرتۋ بەرىلدى.
2026 جىلدىڭ 7 ايىنداعى كورسەتكىشتەر:
* اباتتاندىرۋ قاعيدالارىن بۇزۋدىڭ 9 مىڭنان استام دەرەگى انىقتالدى;
* ورتاق پايدالانىلاتىن ورىنداردى لاستاۋ بويىنشا 1 932 اكىمشىلىك قۇقىق بۇزۋشىلىق تىركەلدى;
* اباتتاندىرۋ قاعيدالارىن بۇزعانى ءۇشىن 7 163 تۇلعا اكىمشىلىك جاۋاپكەرشىلىككە تارتىلدى;
* 20 زاڭسىز قوقىس ءۇيىندىسى انىقتالىپ، ولار بويىنشا ءتيىستى شارالار قابىلداندى.
ءىس-شارا بارىسىندا 20 ءموبيلدى توپ قۇرىلىپ، 7 255 رەيدتىك ءىس-شارا وتكىزىلدى. ۋچاسكەلىك پوليتسيا ينسپەكتورلارى تۇرعىندار اراسىندا تازالىق ساقتاۋ، قورشاعان ورتانى قورعاۋ جانە قوعامدىق ءتارتىپتى ساقتاۋ ماسەلەلەرى بويىنشا تۇراقتى تۇردە ءتۇسىندىرۋ جۇمىستارىن جۇرگىزۋدە.
اۋلا اۋماقتارىن جانە ەلدى مەكەن ماڭىن تازالاۋ كەزىندە قوقىستى بەي-بەرەكەت تاستاۋ قورشاعان ورتاعا زيان كەلتىرىپ، سانيتاريالىق جاعدايدىڭ ناشارلاۋىنا اكەلەدى.
ورتاق پايدالانىلاتىن ورىنداردىڭ تازالىعىن ساقتاۋ – ءاربىر ازاماتتىڭ مىندەتى. كوشەلەردى، ساياباقتاردى، اۋلالاردى، ايالدامالاردى جانە باسقا دا قوعامدىق ورىنداردى لاستاۋ – قوعامعا جانە قورشاعان ورتاعا دەگەن جاۋاپسىز كوزقاراستىڭ كورىنىسى.
تازالىق اركىمنىڭ وزىنەن باستالادى. قوقىستى ارنايى جاشىكتەرگە تاستاپ، قورشاعان ورتاعا ۇقىپتى قاراۋ ارقىلى تۋعان ولكەمىزدىڭ تازالىعىن ساقتاۋعا ارقايسىمىز ءوز ۇلەسىمىزدى قوسا الامىز.
ەستەرىڭىزگە سالا كەتەيىك، ورتاق پايدالانىلاتىن ورىنداردى لاستاعانى ءۇشىن قازاقستان رەسپۋبليكاسىنىڭ زاڭناماسىنا سايكەس اكىمشىلىك جاۋاپكەرشىلىك كوزدەلگەن.
«تازا قازاقستان» – تازا بۇگىن مەن جارقىن بولاشاقتىڭ كەپىلى!
