ەلوردادا توقاەۆتى ۇلىقتاۋ راسىمىنەن كەيىن ميتينگ ۇيىمداستىرعان كاسىپكەر مارات ابيەۆ 2 ايعا قاماۋعا الىندى. بۇل تۋرالى استانا قالاسىنىڭ مامانداندىرىلعان اۋدانارالىق تەرگەۋ سوتى حابارلادى، دەپ جازادى "ادىرنا" ۇلتتىق پورتالى.
«سوت كۇدىكتى م.ابيەۆكە قاتىستى 2 اي مەرزىمگە قاماۋعا الۋ تۇرىندەگى بۇلتارتپاۋ شاراسىنا سانكتسيا بەردى» دەلىنگەن حابارلامادا.
ەستەرىڭىزگە سالا كەتەيىك، استانادا 26 قاراشا كۇنى كەشكە ينتەرنەت ءبىر ساعات بويى ىستەمەي قالعان ەدى. ءدال وسى ۋاقىتتا وزدەرىن «بولاشاق ساۋلەتشىلەرى» دەپ اتاعان مارات ابيەۆ باستاعان ءبىر توپ بەلسەندى ەرەۋىلگە شىققان. كەيىن پوليتسيا ەلورداداعى ميتينگكە 300-گە جۋىق ادام قاتىسىپ، ءتارتىپ ساقشىلارىنا قارسىلىق كورسەتكەنىن حابارلاعان بولاتىن.
"ادىرنا" ۇلتتىق پورتالى
