25 شىلدەدەن باستاپ قازاقستان مەن ءباا اراسىندا جۇرگىزۋشى كۋالىكتەرىن ءوزارا تانۋ جانە ايىرباستاۋ تۋرالى كەلىسىم كۇشىنە ەندى، دەپ حابارلايدى “ادىرنا” ءتىلشىسى.
ىشكى ىستەر ءمينيسترى ەرجان سادەنوۆ بىرىككەن اراب امىرلىكتەرىنە جۇمىس ساپارى بارىسىندا كەلىسىمگە قول قويىلعان.
جاڭا قۇجاتقا سايكەس، ءباا-دە ۋاقىتشا جۇرگەن قازاقستان ازاماتتارى امىرلىكتەردىڭ قولدانىستاعى زاڭناماسىنا سايكەس قازاقستاندىق جۇرگىزۋشى كۋالىگىن پايدالانا الادى.
ال قازاقستان ازاماتتارى ءباا-گە تۇراقتى تۇرۋعا كوشكەن جاعدايدا «B» ساناتى (جەڭىل اۆتوموبيلدەر) جانە «B1» كىشى ساناتى ء(ۇش دوڭگەلەكتى كولىك قۇرالدارى مەن كۆادروتسيكلدەر) بويىنشا تەوريالىق جانە پراكتيكالىق ەمتيحان تاپسىرماي-اق جۇرگىزۋشى كۋالىگىن جەرگىلىكتى كۋالىككە ايىرباستاي الادى.
ءدال وسىنداي جەڭىلدەتىلگەن ءتارتىپ قازاقستانعا تۇراقتى تۇرۋعا كەلگەن بىرىككەن اراب امىرلىكتەرى ازاماتتارىنا دا قولدانىلادى.
