رەسەيدە وزەنگە قۇلاعان اۆتوبۋستىڭ جۇرگىزۋشىسىنە بىرنەشە كۇن دەمالىس بەرىلمەگەنى انىقتالدى، دەپ حابارلايدى "ادىرنا" ۇلتتىق پورتالى Ulysmedia.kz-كە سىلتەپ.
سانكت-پەتەربۋرگتەگى وزەنگە قۇلاعان "تاكسي" جشق اۆتوكولونناسىنىڭ جەتەكشىسىن تەرگەۋ جۇمىستارى ءجۇردى.
"لاۋازىمدىق نۇسقاۋلىققا سايكەس اتالعان ادامعا ەڭبەك جانە كولىك ءتارتىبىنىڭ، ونىڭ ىشىندە "تاكسي"جشق-دا ەڭبەك قىزمەتىن جۇزەگە اسىراتىن جۇرگىزۋشىلەردىڭ ەڭبەك جانە دەمالىس رەجيمىنىڭ ساقتالۋىن باقىلاۋ مىندەتتەرى جۇكتەلدى. تەرگەۋ مالىمەتتەرى بويىنشا، وزەنگە قۇلاعان اۆتوبۋستىڭ جۇرگىزۋشىسى بىرنەشە كۇن بويى قاجەتتى دەمالىس ۋاقىتىمەن قامتاماسىز ەتىلمەگەن. ۇستالعان ادامعا بۇلتارتپاۋ شاراسىن سايلاۋ جانە ايىپ تاعۋ ماسەلەسى شەشىلۋدە", - دەلىنگەن حابارلامادا
10 مامىر كۇنى سانكت-پەتەتربۋرگتە اۆتوبۋس كوپىردەن قۇلاپ كەتكەن بولاتىن. سالدارىنان جەتى ادام كوز جۇمدى. جۇرگىزۋشى رولگە يە بولا الماي، اۆتوبۋس قالا ورتالىعىنداعى وزەنگە قۇلاعان. بەلگىلى بولعانداي اپات بولعان كەزدە سالوندا 20-عا جۋىق ادام بولعان.
ايتا كەتەيىك، سول كۇنى اپاتقا ۇشىراعان اۆتوبۋسقا كومەككە ۇمتىلعان قازاق ازاماتى ەكەنىن جازعان ەدىك.
