شىعىس قازاقستان وبلىسىنىڭ مارقاكول اۋدانىنداعى اقجايلاۋ مەن ۇرىنقايقا اۋىلدارىنىڭ اراسىنداعى اۆتوجولدا جۇرگەن ايۋدى كۋاگەرلەر ۆيدەوعا ءتۇسىرىپ العان، دەپ حابارلايدى "ادىرنا".
كۋاگەرلەردىڭ ايتۋىنشا، جابايى اڭ جولمەن ءوتىپ بارا جاتقان كولىكتەر مەن موتوتسيكل جۇرگىزۋشىلەرىنە ەشقانداي اگرەسسيا تانىتپاعان. الايدا ولاردىڭ پىكىرىنشە، ايۋ السىرەگەن كۇيدە بولعان جانە كومەككە مۇقتاج بولۋى مۇمكىن.
مارقاكول اۋدانى اكىمدىگىنىڭ مالىمەتىنشە، وقيعا ورنىنا مارقاكول ورمان شارۋاشىلىعىنىڭ ماماندارى مەن پوليتسيا قىزمەتكەرلەرى بارعان. الدىن الا اقپارات بويىنشا، ايۋ تاۋلى ايماققا قاراي بەت العان.
ورمان شارۋاشىلىعىنىڭ دەرەگىنە سايكەس، وقيعا سالدارىنان زارداپ شەككەندەر جوق. تۇرعىنداردىڭ ءومىرى مەن دەنساۋلىعىنا قاۋىپ تىركەلمەگەن. جاعداي قۇزىرلى ورگانداردىڭ باقىلاۋىندا.
وسىعان بايلانىستى اۋدان تۇرعىندارى مەن قوناقتارىنا ساقتىق شارالارىن ساقتاۋ، جابايى جانۋارعا جاقىنداماۋ، ونى قورەكتەندىرۋگە نەمەسە سوڭىنان قۋعا ارەكەت جاساماۋ، سونداي-اق تاڭەرتەڭ جانە كەشكى ۋاقىتتا ورمان القاپتارىندا سەرۋەندەۋدەن ۋاقىتشا باس تارتۋ ۇسىنىلدى.
