Şyǧys Qazaqstan oblysynyŋ Marqaköl audanyndaǧy Aqjailau men Ürınqaiqa auyldarynyŋ arasyndaǧy avtojolda jürgen aiudy kuägerler videoǧa tüsırıp alǧan, dep habarlaidy "Adyrna".
Kuägerlerdıŋ aituynşa, jabaiy aŋ jolmen ötıp bara jatqan kölıkter men motosikl jürgızuşılerıne eşqandai agressiia tanytpaǧan. Alaida olardyŋ pıkırınşe, aiu älsıregen küide bolǧan jäne kömekke mūqtaj boluy mümkın.
Marqaköl audany äkımdıgınıŋ mälımetınşe, oqiǧa ornyna Marqaköl orman şaruaşylyǧynyŋ mamandary men polisiia qyzmetkerlerı barǧan. Aldyn ala aqparat boiynşa, aiu tauly aimaqqa qarai bet alǧan.
Orman şaruaşylyǧynyŋ deregıne säikes, oqiǧa saldarynan zardap şekkender joq. Tūrǧyndardyŋ ömırı men densaulyǧyna qauıp tırkelmegen. Jaǧdai qūzyrly organdardyŋ baqylauynda.
Osyǧan bailanysty audan tūrǧyndary men qonaqtaryna saqtyq şaralaryn saqtau, jabaiy januarǧa jaqyndamau, ony qorektendıruge nemese soŋynan quuǧa äreket jasamau, sondai-aq taŋerteŋ jäne keşkı uaqytta orman alqaptarynda seruendeuden uaqytşa bas tartu ūsynyldy.
