اباي وبلىسىندا ەكىنشى كۇن قاتارىنان ورمان ورتەنىپ جاتىر

1884
Adyrna.kz Telegram

اباي وبلىسىندا ەكىنشى كۇن قاتارىنان ورمان ءورتى ورشۋدە، - دەپ حابارلايدى "ادىرنا" ءتىلشىسى توتەنشە جاعدايلار مينيسترلىگىنىڭ ءباسپاسوز قىزمەتىنە سىلتەمە جاساپ.

توتەنشە جاعدايلار مينيسترلىگىنىڭ حابارلاۋىنشا، 22 مامىردا ساعات 15:25-تە اباي وبلىسى بورودۋليحا اۋدانىندا اۋىل ستانساسىنان 7 شاقىرىم جەردە ء(ورت رەسەي فەدەراتسياسىنىڭ اۋماعىنان، التاي ولكەسى، نوۆەنكايا اۋىلىنان كوشكەن، 15:25-تە) قۇرعاق ءشوپ ورتەنگەن. ءورتتىڭ جالپى اۋماعى 1500 گەكتاردى قۇرايدى، قۇرعاق شوپتەر مەن ورماندار جانىپ جاتىر.

«ەلدى مەكەندەرگە تونگەن قاۋىپكە بايلانىستى «بەرەزوۆكا» شيپاجايى مەن «بەرەزوۆكا» قوسالقى شارۋاشىلىعىنان 277 ادام ءوز بەتىنشە كوشىرىلدى. «بەرەزوۆكا» شيپاجايى مەن «بەرەزوۆكا» قوسالقى شارۋاشىلىعىنىڭ ورنىندا كۇزەت بويىنشا كەزەكشىلىك ۇيىمداستىرىلدى»، - دەلىنگەن حابارلامادا.

ورمان ءورتىن سوندىرۋگە بارلىعى 100 تەحنيكا (ونىڭ ىشىندە ءبىر ءورت ءسوندىرۋ پويىزى) مەن ەكى تىكۇشاق، سونداي-اق 402 ادام جۇمىلدىرىلدى.

سونىمەن قاتار، 133 ادام مەن 26 تەحنيكادان تۇراتىن استانا قالاسى، پاۆلودار جانە قاراعاندى ​​وبلىستارى بويىنشا توتەنشە جاعدايلار دەپارتامەنتىنىڭ كۇشتەرى مەن قۇرالدارىنىڭ توبى جىبەرىلدى. قاراعاندى ​​اۋەجايىنان «قازاۆياپاس» اق مي-8 تىكۇشاعى دا كوتەرىلدى.

ءبىر تاۋلىك ىشىندە ەكى تىكۇشاق ءورتتى اۋىزدىقتاۋعا بارلىعى 157,5 توننا سۋ جۇمسادى.

"ادىرنا" ۇلتتىق پورتالى

پىكىرلەر