يران توڭىرەگىندە نە بوپ جاتىر؟
1. د.ترامپ جۋىردا "مىنالار وڭباعاندار، كەلىسىمدى بۇزدى، مەن ولاردى قۇرتامىن" سىڭايلى سوزدەر ايتىپ (سوزدەرىن قىسقارتتىم), بومبىلاۋعا كوشكەن ەدى. يران تارابى دا لەزدە جاۋاپ قايتاردى. ايماقتاعى ءتورت ەلدەگى اقش نىساندارىن اتقىلاپ تاستادى.
2. قازىر ريتوريكا ۋشىعىپ تۇر. بىراق ومان مەن قاتار ارقىلى سوعىسۋشى تاراپتار ءوزارا كەلىسسوزدى قايتا باستاپ، جانداندىردى.
بۇل دۇرىس نارسە.
3. بىرنەشە كۇن بۇرىن يراندا "د.ترامپتان ءوش الۋ قاجەت" دەگەن سىڭايداعى پلاكاتتار بايقالدى. بۇعان اقش پرەزيدەنتى: "ولار ماعان قارسى ءبىر نارسە ىستەمەك بولاتىن بولسا، مەن 1000 زىماران دايىنداتتىرىپ قويدىم. ءبىز بۇل ەلدى جويامىزعا" كەلتىردى.
*****
مەنىڭ جەكە ويىم: تەگەران د.ترامپتىڭ 2028 ج. دەيىن پرەزيدەنت ەكەنىن بىلەدى. ءوش الۋ باعىتىندا ەشتەڭە جاسامايدى. بۇل يرانعا كەرەك تە ەمەس. يران گەوساياسي ويىندى قاتىرىپ وتىر. "ەليتا" دەڭگەيىندەگى ويىنشىعا اينالدى. مۇنداعى ءبىرىنشى ءسوزى "گەوگرافيا", ەكىنشىسى "ساياسات" ەمەس پە؟! ياعني، تەگەران "ورمۋزدى" (گەوگرافيا) 100% پايدالانا (ساياسي ماقساتتا) ءبىلدى. قازىر ولارعا وسىدان ارتىق اسپاپ كەرەك تە ەمەس.
يزرايلدە وسى قازاندا، اقش - تا وسى قاراشادا سايلاۋ بولادى. بيبي مەن د.ترامپتىڭ قولدارى جارتىلاي بايلاۋلى. امالدارى ازايىپ بارادى. تەگەران مۇنى جاقسى ءبىلىپ، ۇتىمدى ويىن كورسەتىپ جاتىر. جاعداي وسىنداي. قايتا تىنىشتالدى دەسە دە بولادى.
