ساۋدا جانە ينتەگراتسيا مينيسترلىگى قازاقستاننىڭ يراندا جالعا العان جەر تەلىمىنە شابۋىل جاسالدى اقپاراتقا جوققا شىعاردى، دەپ حابارلايدى «ادىرنا» ءتىلشىسى.
«قازاقستان جالعا العان اۋماقتا ەشقانداي اۋە شابۋىلى بولعان جوق»، – دەدى ساۋدا جانە ينتەگراتسيا مينيسترلىگىنىڭ رەسمي وكىلى تويگۇل جۇبانيسوۆا.
ونىڭ ايتۋىنشا، بۇل مالىمەتتەر يراننىڭ حورموزگان پروۆينتسياسىنىڭ پورتتار جانە تەڭىز قاتىناسى ۇيىمىمەن كەلىسىمگە قول قويعان «QazTrade» اق دەرەكتەرىنە نەگىزدەلگەن.
ەسكە سالايىق، 7 شىلدەدە قازاقستان مەن يران بەندەر-ابباس قالاسىنداعى شاحيد-رادجاي پورتىندا قازاقستاندىق كولىك-لوگيستيكالىق تەرمينال سالۋ ءۇشىن جەر تەلىمىن بەرۋ جونىندەگى BOT كەلىسىمىنە قول قويعان بولاتىن. كەلىسىم 27 جىل مەرزىمگە جاسالعان. ونىڭ ىشىندە 2 جىل تەرمينال قۇرىلىسىن جۇرگىزۋگە، ال كەيىنگى 25 جىل نىساندى پايدالانۋعا ارنالعان. تەرمينالدى كوممەرتسيالىق پايدالانۋعا بەرۋ جوبانى ىسكە اسىرۋدىڭ ءۇشىنشى جىلىنا جوسپارلانعان.
ال بۇگىن، 8 شىلدەدە يراننىڭ مەملەكەتتىك بۇقارالىق اقپارات قۇرالدارى ەلدىڭ وڭتۇستىگىندەگى سيريك قالاسىندا، كەشم ارالىندا جانە بەندەر-ابباس ماڭىندا جارىلىستار بولعانىن حابارلادى.
