Sauda jäne integrasiia ministrlıgı Qazaqstannyŋ İranda jalǧa alǧan jer telımıne şabuyl jasaldy aqparatqa joqqa şyǧardy, dep habarlaidy «Adyrna» tılşısı.
«Qazaqstan jalǧa alǧan aumaqta eşqandai äue şabuyly bolǧan joq», – dedı Sauda jäne integrasiia ministrlıgınıŋ resmi ökılı Toigül Jūbanisova.
Onyŋ aituynşa, būl mälımetter İrannyŋ Hormozgan provinsiiasynyŋ Porttar jäne teŋız qatynasy ūiymymen kelısımge qol qoiǧan «QazTrade» AQ derekterıne negızdelgen.
Eske salaiyq, 7 şıldede Qazaqstan men İran Bender-Abbas qalasyndaǧy Şahid-Radjai portynda qazaqstandyq kölık-logistikalyq terminal salu üşın jer telımın beru jönındegı BOT kelısımıne qol qoiǧan bolatyn. Kelısım 27 jyl merzımge jasalǧan. Onyŋ ışınde 2 jyl terminal qūrylysyn jürgızuge, al keiıngı 25 jyl nysandy paidalanuǧa arnalǧan. Terminaldy kommersiialyq paidalanuǧa beru jobany ıske asyrudyŋ üşınşı jylyna josparlanǧan.
Al bügın, 8 şıldede İrannyŋ memlekettık būqaralyq aqparat qūraldary eldıŋ oŋtüstıgındegı Sirik qalasynda, Keşm aralynda jäne Bender-Abbas maŋynda jarylystar bolǧanyn habarlady.
