بۇگىن، 6 شىلدەدە بەلارۋس پرەزيدەنتى الەكساندر لۋكاشەنكو قازاقستاننىڭ تۇڭعىش پرەزيدەنتى نۇرسۇلتان نازارباەۆتى تۋعان كۇنىمەن قۇتتىقتادى، دەپ حابارلايدى «ادىرنا» ءتىلشىسى.
«ەسىمىڭىز قازىرگى قازاقستان تاريحىندا ايرىقشا ورىن الادى. ءسىزدىڭ ستراتەگيالىق كوزقاراسىڭىزدىڭ، ساياسي كورەگەندىگىڭىزدىڭ جانە ۇزاق جىلدار بويعى جاسامپاز ەڭبەگىڭىزدىڭ ارقاسىندا ەل دامۋىنىڭ بەرىك نەگىزى قالانىپ، ونىڭ تۇراقتى ىلگەرىلەۋىنە جول اشىلدى»، – دەلىنگەن قۇتتىقتاۋ جەدەلحاتىندا.
مەملەكەت باسشىسى بەلارۋس ەلىندە نۇرسۇلتان نازارباەۆتىڭ ەكى مەملەكەت اراسىنداعى دوستىق، ستراتەگيالىق ارىپتەستىك جانە وداقتاستىق قاتىناستاردى نىعايتۋعا قوسقان ەلەۋلى جەكە ۇلەسى جوعارى باعالاناتىنىن اتاپ ءوتتى.
ء«سىزدىڭ تىكەلەي قاتىسۋىڭىزبەن قالىپتاسقان سەنىم مەن سىندارلى ىنتىماقتاستىق داستۇرلەرى بۇگىن دە بەلارۋس پەن قازاقستان اراسىنداعى ءوزارا ءىس-قيمىلدىڭ بەرىك نەگىزى بولىپ وتىر»، – دەدى پرەزيدەنت.
الەكساندر لۋكاشەنكو نۇرسۇلتان نازارباەۆقا زور دەنساۋلىق، باق-بەرەكە جانە تۋعان-تۋىستارى مەن جاقىندارىنىڭ ورتاسىندا ۇزاق عۇمىر كەشۋىن تىلەدى.
ايتا كەتەيىك، بۇگىن ەكس-باسشى 86 جاسقا تولدى. ول 1989 جىلى بيلىككە كەلىپ، 30 جىلعا جۋىق ەل پرەزيدەنتى بولعان ەدى. نازارباەۆ 2022 جىلدىڭ 5 قاڭتارىنا دەيىن قاۋىپسىزدىك كەڭەسى توراعاسى بولىپ وتىردى، 2023 جىلدىڭ قازانىنا دەيىن ەلباسى ستاتۋسى ساقتالدى.
بۇعان دەيىن قازاقستان مۇسىلماندارى ءدىني باسقارماسى باس رەسپۋبليكالىق مەشىتكە «نۇرسۇلتان مەشىتى» اتاۋى بەرىلگەنىن ايتقان ەدى.
