«حالىقتىڭ نارازىلىعى باستالاتىن كەلەسى ەل – رەسەي. قازىر بەلارۋس ەلىندە بولىپ جاتقان ساياسي تەكەتىرەس الداعى ۋاقىتتا رەسەيدە كەڭ كولەمدە كورىنىس تابادى. پۋتين ەكى وتتىڭ ورتاسىندا قالادى». بۇل تۋرالى The Hill ساياسي باسىلىمىنا بەرگەن ساراپتاماسىندا ۆاشينگتونداعى ەۋروپالىق ساياسات ورتالىعىنىڭ ساراپشىسى يانۋش بۋگايسكي ءمالىم ەتتى.
اقش ساراپشىسى بۇگىندە اق ءۇي الەكساندر لۋكاشەنكونىڭ پوزيتسياسىن قولداپ وتىرماعانىن ايتتى.
–بەلورۋسسياداعى سايلاۋدىڭ ناتيجەسى مۇلدە بۇرمالانعان. ەگەر بۇل تەكەتىرەس وسىلاي جالعاسا بەرەتىن بولسا، بەلورۋسسيا باسقارۋعا كونبەيتىن مەملەكەتكە اينالادى. حالىق بەيبىت جاعدايدا ساياسي تالاپتار قويعانىمەن، بيلىك اياۋسىز كۇش قولدانىپ جاتىر. جارالانعاندار كوپ، قايتىس بولعاندار بار. ال لۋكاشەنكو شەكتەن شىقتى. بىراق ونىڭ بيلىكتەن كەتەر كۇنى تاياۋ. ەلدەگى جاعدايدى تۇراقتاندىرۋ ءۇشىن بۇل بەرەكەسىزدىككە رەسمي ماسكەۋ ارالاسۋى مۇمكىن. ستسەناري وسىلاي ءوربيتىن بولسا، وندا ماسكەۋ رەسەيشىل تۇلعانى الىپ كەلۋگە تىرىسادى، – دەيدى اقش ساراپشىسى يانۋش بۋگايسكي.
اقش-تاعى الداعى پرەزيدەنتتىك سايلاۋعا دەموكراتتار اتىنان سىنعا ءتۇسىپ جاتقان دجو بايدەن «26 جىل بويى ەلدە اۆتوريتارلىق رەجيم قۇرعان الەكساندر لۋكاشەنكو حالىقتىڭ تالابىن تىڭداۋى ءتيىس، - دەپ وتىر. ەگەر ول اقش-تىڭ پرەزيدەنتى بولسا، لۋكاشەنكونى بيلىكتە قالدىرا المايتىنىن ءمالىم ەتتى.
ال اقش ساراپشىسى يانۋش بۋگايسكيدىڭ ايتۋىنشا، قازىرگى ۋاقىتتا رەسەيدىڭ قۇرىلىمدىق كۇشتەرى حالىقتىڭ نارازىلىعىن بولدىرماۋ، الدىن الۋ جانە ولاردىڭ ءبىر جەرگە جينالۋىنا بوگەت بولاتىن ءارتۇرلى امالداردى قاراستىرىپ، ءتىپتى گونكونگ پەن مينسك تاجىريبەلەرىن تارازىعا سالىپ جاتقان كورىنەدى.
ەركىن قالدان،
«ادىرنا» ۇلتتىق پورتالى
