بۇگىن "NEXTA" كانالىنىڭ نەگىزىن قالاعان، باس رەداكتور 25-جاستاعى رومان پروتاسەۆيچتى افينادان ۆيلنيۋسقا ۇشىپ بارا جاتقان جەرىنەن ۇشاقتا بومبا بار دەگەن جەلەۋمەن بەلارۋس كۇشتىك قۇرىلىمدارى مينسكىگە قونۋعا ماجبۇرلەگەن. ۇشاقتى قوندىرۋ ءۇشىن ءتiپتى اسكەري- جويعىش ۇشاقتار اۋەگە كوتەرىلگەن ەكەن.
"NEXTA" بەلارۋستەگى بەيبىت تۇردەگى قارسىلىق اكتسيالارىن ۇيىمداستىرۋشى ەڭ باستى دەموكراتيالىق مەديا-رەسۋرس ەكەنى بەلگىلى. رومان پروتاسەۆيچ ۇشاق قونعان بويدا تۇتقىندالعان. وتە قاۋىپتى "تەرروريستى" ۇستاۋ ءۇشىن باتكانىڭ ءوزى ارنايى بۇل وپەراتسياعا تىكەلەي بۇيرىق بەرىپتى.
بۇل وقيعا اقش-تىڭ "Pan American" اۆياكومپانياسىنىڭ 1986 جىلعى 5-ءشى قىركۇيەكتە Boeing -747 ۇشاعىنىڭ بومبەيدەن ء(ۇندىستان) - نيۋ-يورككە ( اقش) جولاۋشىلار رەيسىن ورىنداپ، جانارماي قۇيۋ ءۇشىن كاراچيگە توقتاعان كەزدە "ابۋ-نيدال" تەرروريستىك ۇيىمىنىڭ ءبىر توپ سودىرلارى ۇشاقتى جولاۋشىلارمەن بىرگە باسىپ العان ەپيزودقا وتە قاتتى ۇقسايدى. ۇشاقتى مەنشىكتەگەن انتيسەميتتىك كوزقاراستاعى تەرروريستەردىڭ باستى ماقساتى يزرايلگە اتالمىش لاينەردى باعىتتاپ، 2001-جىلى، 11-ءشى قىركۇيەكتەگى الەمدى ءدۇر سىلكىندىرگەن نيۋ-يوركتەگى تەررورلىق اكت سياقتى، ياعني ەۆرەي ەلىنىڭ كەز كەلگەن قالالارىنا ۇشاقتى قۇلاتۋ بولاتىن. الايدا اۋە كەمەسىنىڭ ەكيپاجى ۇشاقتان تەز شىعىپ، تەرروريستەر اۋەجايدان ۇشىپ شىعۋ مۇمكىندىگىنەن لەزدە ايىرىلعان ەدى.
مەنىڭشە، ەندى كوپ كەشىكپەي لۋكاشەنكو بيلىگى رومان پروتاسەۆيچتى ماجبۇرلەپ ادەيى سويلەتۋى مۇمكىن. مىسالى قازاقستانداعى توقتار تولەشوۆ سياقتى ەلدىڭ بىرلىگى مەن ىنتىماعىن سانالى تۇردە بۇزعىم كەلدى نەمەسە بەلارۋستە مەملەكەتتىك توڭكەرىس جاساۋعا باتىس پەن اقش-تىڭ ارناۋلى ورگاندارىنان ارنايى تاپسىرما الدى دەگەندەي ەرىكسىز "قىلمىسىن" اشكەرەلەۋ، ياعني حالىقتان ياكي لۋكاشەنكودان جاس بلوگەر روماننىڭ سول "ەكسترەميستىك ارەكەتى" ءۇشىن "جۇرەكجاردى مويىنداۋى مەن كەشىرىم سۇراۋى سياقتى "كامينگ-اۋت" بولسا دا، بۇعان ءبىز ەش تاڭعالمايمىز. سەبەبى يمپەرشىل پۋتين مەن ونىڭ پوستكەڭەستىك جۇيەدەگى قۇلاقكەستى قۇلدارىنىڭ اۆتوريتارلىق بيلىكتەن ايىرىلماۋى سەبەپتى، بارلىق كەز كەلگەن اگرەسسيالىق ءىس-ارەكەتكە باراتىنىن وتە جاقسى بىلەمىز.
قالاي بولسا دا جالىنداعان رومان پروتاسەۆيچكە قازاق قوعامىنداعى دەموكراتيالىق-ازاماتتىق كۇشتەردىڭ اتىنان تەزىرەك ديكتاتور لۋكاشەنكونىڭ قاندى شەڭگەلىنەن قۇتىلۋدى جانە حالىقارالىق قۇقىق قورعاۋ ۇيىمدارى مەن وركەنيەتتى ەۆروپا-اقش باسشىلىعىنان شۇعىل تۇردە بۇل تەرروريستىك ارەكەتكە بايلانىستى ساياسي شەشىم قابىلداۋلارىڭىزدى سۇرايمىز!
"دەموس"قب توراعاسى
قۇسايىنوۆ تۇراربەك
