استانا قالاسى، سارىارقا اۋدانىنىڭ №2 اۋداندىق سوتى قايرات بورانباەۆ پەن رومان ناحانوۆتى مىرزاقاماققا اۋىستىرۋدان باس تارتتى. ولار جاڭا جىلدى يزولياتوردا قارسى الادى قارسى الادى. بۇل جايلى "ادىرنا" ۇلتتىق پورتالى حابارلادى.
سوت وكىلى نازگۇل باپاقوۆانىڭ ايتۋىنشا، استانا قالاسى، سارىارقا اۋدانىنىڭ No2 سوتىنا قايرات بورانباەۆتىڭ ادۆوكاتى دانيار قانافين مەن سوتتالۋشى رومان ناحانوۆتىڭ ادۆوكاتى سۇلەيمەنوۆتەن قاماۋعا الۋ جازاسىن جەڭىلدەتۋگە ءوتىنىش كەلىپ تۇسكەن. ولار ايىپتىلاردىڭ جازاسىن جەڭىلدەتىپ، ۇيقاماعىنا، مىرزاقاماققا اۋىستىرۋدى سۇراعان. دەگەنمەن:
"قورعاۋشىلاردىڭ ءوتىنىشحاتتارىندا كورسەتىلگەن ۋاجدەر جوعارىدا اتالعان سوتتاردا قارالعان، ناحانوۆ پەن بورانباەۆقا قاتىستى بۇلتارتپاۋ شاراسىن وزگەرتۋگە نەگىزدەر مەن جاعدايلار جوق", - دەدى سوت قازىسى نازگۇل باپاقوۆا.
وسىلايشا، ءىس بويىنشا ەكى ايىپتالۋشى – قايرات بورانباەۆ پەن رومان ناحانوۆ – قاماۋدا، ءۇشىنشى ايىپتالۋشى – تايىر جانۇزاق – مىرزاقاماققا الىندى.
2022 جىلدىڭ 17 ناۋرىزىندا كاسىپكەر قايرات بورانباەۆ كۆازيمەملەكەتتىك سەكتوردا اسا ءىرى كولەمدەگى قىلمىستى - جىمقىرۋ جاسادى دەگەن كۇدىكپەن قاماۋعا الىنىپ، ۋاقىتشا ۇستاۋ يزولياتورىنا قامالدى.
30 قىركۇيەكتە وعان قاتىستى ءىس بويىنشا تەرگەۋ اياقتالدى، 30 جەلتوقساندا استانادا كاسىپكەردىڭ سوتى باستالدى.
