Bügın, 6 şıldede Belarus prezidentı Aleksandr Lukaşenko Qazaqstannyŋ tūŋǧyş prezidentı Nūrsūltan Nazarbaevty tuǧan künımen qūttyqtady, dep habarlaidy «Adyrna» tılşısı.
«Esımıŋız qazırgı Qazaqstan tarihynda airyqşa oryn alady. Sızdıŋ strategiialyq közqarasyŋyzdyŋ, saiasi köregendıgıŋızdıŋ jäne ūzaq jyldar boiǧy jasampaz eŋbegıŋızdıŋ arqasynda el damuynyŋ berık negızı qalanyp, onyŋ tūraqty ılgerıleuıne jol aşyldy», – delıngen qūttyqtau jedelhatynda.
Memleket basşysy Belarus elınde Nūrsūltan Nazarbaevtyŋ ekı memleket arasyndaǧy dostyq, strategiialyq ärıptestık jäne odaqtastyq qatynastardy nyǧaituǧa qosqan eleulı jeke ülesı joǧary baǧalanatynyn atap öttı.
«Sızdıŋ tıkelei qatysuyŋyzben qalyptasqan senım men syndarly yntymaqtastyq dästürlerı bügın de Belarus pen Qazaqstan arasyndaǧy özara ıs-qimyldyŋ berık negızı bolyp otyr», – dedı Prezident.
Aleksandr Lukaşenko Nūrsūltan Nazarbaevqa zor densaulyq, baq-bereke jäne tuǧan-tuystary men jaqyndarynyŋ ortasynda ūzaq ǧūmyr keşuın tıledı.
Aita keteiık, bügın eks-basşy 86 jasqa toldy. Ol 1989 jyly bilıkke kelıp, 30 jylǧa juyq el prezidentı bolǧan edı. Nazarbaev 2022 jyldyŋ 5 qaŋtaryna deiın Qauıpsızdık keŋesı töraǧasy bolyp otyrdy, 2023 jyldyŋ qazanyna deiın Elbasy statusy saqtaldy.
Būǧan deiın Qazaqstan mūsylmandary dıni basqarmasy Bas respublikalyq meşıtke «Nūrsūltan meşıtı» atauy berılgenın aitqan edı.
