بۇگىن قازاقستاندا مەملەكەت دامۋىنىڭ الداعى باعىتىن ايقىندايتىن، ادىلەتتىلىك، زاڭ ۇستەمدىگى، ازاماتتاردىڭ قۇقىقتارىن قورعاۋ جانە قوعامدىق بىرلىك قاعيداتتارىن نىعايتاتىن ماڭىزدى قۇجات — قازاقستان رەسپۋبليكاسىنىڭ جاڭا كونستيتۋتسياسى كۇشىنە ەندى.
وسى تاريحي وقيعاعا وراي الماتى قالاسىندا 2000-نان استام ستۋدەنتتىڭ، ۆولونتەردىڭ، بەلسەندىنىڭ جانە قالا جاستارىنىڭ باسىن قوسقان اۋقىمدى جاستار اكتسيالارى ءوتتى. مەرەكەلىك ءىس-شارالاردىڭ ۇيىمداستىرۋشىسى — الماتى قالاسى جاستار ساياساتى باسقارماسى.
ەل دامۋىنىڭ جاڭا كەزەڭىنە قولداۋدى العاشقىلاردىڭ ءبىرى بولىپ جاستاردىڭ زاماناۋي قوعامدىق باستامالار تىلىمەن — اۋقىمدى پەرفورمانستار، ارت-ينستاللياتسيالار جانە پاتريوتتىق اكتسيالار ارقىلى ءبىلدىرۋى ەرەكشە مانگە يە.
مەرەكەلىك باعدارلاما ساعات 08:00-دە «سۇڭقار» حالىقارالىق شاڭعى ترامپليندەرى كەشەنىنىڭ اۋماعىندا قازاقستان رەسپۋبليكاسىنىڭ مەملەكەتتىك تۋىن سالتاناتتى تۇردە كوتەرۋ راسىمىنەن باستالدى. راسىمگە 500-دەن استام جاس الماتىلىق قاتىسىپ، قازاقستان رەسپۋبليكاسىنىڭ مەملەكەتتىك گيمنىن ورىندادى. جاستار مەملەكەتتىك رامىزدەرگە قۇرمەت كورسەتە وتىرىپ، ولاردى ەل بىرلىگىنىڭ، تاۋەلسىزدىكتىڭ جانە ءاربىر ازاماتتىڭ مەملەكەت بولاشاعىنا دەگەن جاۋاپكەرشىلىگىنىڭ نىشانى رەتىندە دارىپتەدى.
باعدارلامانىڭ جالعاسى جاڭا كونستيتۋتسيانىڭ كۇشىنە ەنۋىنە ارنالعان ەرەكشە كوركەم اكتسيامەن ءوربىدى. ەكسپوزيتسيانىڭ ورتالىق ەلەمەنتى رەتىندە بيىكتىگى 4 مەتر، ەنى 2,5 مەتر بولاتىن كونستيتۋتسيا بەينەسىندەگى ارت-نىسان ۇسىنىلدى. ونىڭ اينالاسىندا جاڭارتىلعان نەگىزگى زاڭنىڭ باستى قاعيداتتارىنا — ادىلەتتىلىككە، ادام قۇقىقتارىن قورعاۋعا، مۇمكىندىكتەر تەڭدىگىنە، زاڭ ۇستەمدىگىنە، ازاماتتىق جاۋاپكەرشىلىككە جانە قوعامدىق بىرلىكتى نىعايتۋعا ارنالعان تاقىرىپتىق كارتينالار كورمەسى ورنالاستىرىلدى.
اتالعان الاڭ قوعامدىق ديالوگتىڭ شىنايى كەڭىستىگىنە اينالدى. زاماناۋي ونەر، مۋزىكا، ينتەراكتيۆتى ايماقتار مەن جاستاردىڭ شىعارماشىلىق قويىلىمدارى ءاربىر قازاقستاندىقتىڭ ومىرىندەگى كونستيتۋتسيانىڭ ءمانىن جاڭاشا پايىمداۋعا مۇمكىندىك بەردى.
تاعى ءبىر ماڭىزدى اكتسيا قازاقستان-بريتان تەحنيكالىق ۋنيۆەرسيتەتىنىڭ الدىندا وتكەن اۋقىمدى فلەشموب بولدى. 700-گە جۋىق ستۋدەنت، ۆولونتەر جانە قوعامدىق بەلسەندى قازاقستان رەسپۋبليكاسىنىڭ مەملەكەتتىك تۋلارىمەن جاڭا كونستيتۋتسياعا قولداۋ ءبىلدىرىپ، قازاقستاندىقتاردى نەگىزگى زاڭنىڭ كۇشىنە ەنۋىمەن قۇتتىقتادى.
ءوز ۇندەۋلەرىندە جاستار:
«بۇگىن ەلىمىز ءۇشىن تاريحي كۇن. جاڭا كونستيتۋتسيانىڭ كۇشىنە ەنۋى — قازاقستاننىڭ جارقىن بولاشاعىنىڭ كەپىلى».
«بۇل — مەملەكەتىمىزدىڭ الداعى دامۋىن ايقىندايتىن ماڭىزدى قادام».
«جاڭا كونستيتۋتسيا — ادام قۇقىقتارى، زاڭ جانە جاۋاپكەرشىلىك باستى قۇندىلىق سانالاتىن ادىلەتتى قوعام قۇرۋدىڭ بەرىك نەگىزى».
«نەگىزگى زاڭ — ەلىمىزدىڭ تاۋەلسىزدىگىن، حالىق بىرلىگىن جانە بولاشاققا دەگەن سەنىمدى نىعايتاتىن باستى قۇجات» — دەپ اتاپ ءوتتى.
الماتى قالاسى جاستار ساياساتى باسقارماسىندا مەرەكەلىك ءىس-شارالاردىڭ باستاماشىسى ءارى نەگىزگى قاتىسۋشىسى جاس بۋىن بولعانى ەرەكشە مانگە يە ەكەنىن اتاپ ءوتتى.
«كونستيتۋتسيا — تەك قۇقىقتىق قۇجات قانا ەمەس، مەملەكەت پەن قوعام اراسىنداعى سەنىمنىڭ ىرگەتاسى، ەلدىڭ ودان ءارى دامۋىنا باعىت بەرەتىن باستى باعدار. بۇگىن الماتى جاستارى ءوز قاتىسۋى ارقىلى قازاقستاننىڭ بولاشاعى ءۇشىن جاۋاپكەرشىلىكتى سەزىنەتىنىن، مەملەكەتتىك قۇندىلىقتاردى قۇرمەتتەيتىنىن جانە ادىلەتتى، قۋاتتى ءارى وركەندەگەن مەملەكەت قۇرۋ ىسىنە بەلسەندى اتسالىسۋعا دايىن ەكەنىن كورسەتتى»، — دەپ اتاپ ءوتتى الماتى قالاسى جاستار ساياساتى باسقارماسىندا.
جاستار اكتسيالارىنىڭ سەرياسى تەك مەرەكەلىك ءىس-شارا عانا ەمەس، قازاقستاندىقتاردىڭ جاڭا بۋىنىنىڭ ازاماتتىق كەمەلدىگىن ايقىندايتىن سيمۆولدىق وقيعاعا اينالدى. زاماناۋي فورماتتار — ونەر، شىعارماشىلىق، قوعامدىق باستامالار جانە پاتريوتتىق فلەشموبتار ارقىلى جاستار ەلدىڭ ودان ءارى دامۋ باعىتىنا قولداۋ ءبىلدىرىپ، جاڭا كونستيتۋتسيانىڭ تاۋەلسىز قازاقستاننىڭ بولاشاق جەتىستىكتەرىنە نەگىز بولاتىنىن كورسەتتى.
