وسى ءبىزدىڭ مەملەكەتتىك قىزمەتكە، باسشىلىققا مىندەتتى تۇردە سول سالادا ءبىلىمى بار ادامدى تاعايىنداۋ مىندەت پە؟ نەگىزى ءبىرىنشى باسشىنىڭ مىندەتى سالانى ءبىلۋ ەمەس، ۇجىمدى ۇيىمداستىرۋ، قارجى كوزىن تاۋىپ، قامتاماسىز ەتۋ ەمەس پە ەدى؟
ولاي بولسا بىزدە قارتايىپ، قاۋساعان شالداردى ار وبلىستان وبلىسقا، مينيسترلىكتەن مينيسترلىككە تاسي بەرگەننەن نە شىعادى؟ وسى كەزگە دەيىنگى جۇمىسى وڭباي وتىرعانىن قازىرگى الەۋمەتتىك-ەكونوميكالىق احۋالدان كورىنىپ تۇرعان جوق پا؟
ودان دا جاس، مەملەكەتتىك قىزمەتتە تاجىريبەسى از بولسا دا، ۇيىمداستىرۋشىلىق قابىلەتى سىنالعان، بىلىكتى مەنەدجەرلەردى اكەلەتىن كەز جەتكەن سياقتى.
ءدال قازىر قىمباتشىلىق قىسىپ تۇرعان كەزدە،
حالىقپەن بايلانىستى نىعايتىپ، ءوزىنىڭ الەۋەتىن كورسەتەتىن مەنەدجەرلەردىڭ ناعىز كەرەك شاعى. ولارعا كارت بلانش بەرىپ، وسىنشا ۋاقىت ىشىندە بارىن شيك قىلىڭدار دەسە، اركىم ءوز يدەياسى ءۇشىن جۇگىرەر ەمەس پە؟
كريزيس مەنەدجەرلەر حالىقتىڭ نارازىلىعىن جاسىرعىشتار ەمەس، نارازىلىق تۋىنداعان ماسەلەنى شەشۋ ەدى عوي.
كەزىندە كاسپي بانكتەن جامان بانك جوق ەدى،
قازىر ونسىز ءومىر سۇرە المايىن دەڭگەيگە جەتتىك. دەمەك بيلىك سارايىنىڭ سىرتىنا دا كوز سالىپ قويعان ءجون شىعار...
ەسەن ەلەۋكەن،
Facebook پاراقشاسىنان
