Bügın Qazaqstanda memleket damuynyŋ aldaǧy baǧytyn aiqyndaityn, ädılettılık, zaŋ üstemdıgı, azamattardyŋ qūqyqtaryn qorǧau jäne qoǧamdyq bırlık qaǧidattaryn nyǧaitatyn maŋyzdy qūjat — Qazaqstan Respublikasynyŋ jaŋa Konstitusiiasy küşıne endı.
Osy tarihi oqiǧaǧa orai Almaty qalasynda 2000-nan astam studenttıŋ, volonterdıŋ, belsendınıŋ jäne qala jastarynyŋ basyn qosqan auqymdy jastar aksiialary öttı. Merekelık ıs-şaralardyŋ ūiymdastyruşysy — Almaty qalasy Jastar saiasaty basqarmasy.
El damuynyŋ jaŋa kezeŋıne qoldaudy alǧaşqylardyŋ bırı bolyp jastardyŋ zamanaui qoǧamdyq bastamalar tılımen — auqymdy performanstar, art-installiasiialar jäne patriottyq aksiialar arqyly bıldıruı erekşe mänge ie.
Merekelık baǧdarlama saǧat 08:00-de «Sūŋqar» halyqaralyq şaŋǧy tramplinderı keşenınıŋ aumaǧynda Qazaqstan Respublikasynyŋ Memlekettık Tuyn saltanatty türde köteru räsımınen bastaldy. Räsımge 500-den astam jas almatylyq qatysyp, Qazaqstan Respublikasynyŋ Memlekettık Gimnın oryndady. Jastar memlekettık rämızderge qūrmet körsete otyryp, olardy el bırlıgınıŋ, täuelsızdıktıŋ jäne ärbır azamattyŋ memleket bolaşaǧyna degen jauapkerşılıgınıŋ nyşany retınde därıptedı.
Baǧdarlamanyŋ jalǧasy jaŋa Konstitusiianyŋ küşıne enuıne arnalǧan erekşe körkem aksiiamen örbıdı. Ekspozisiianyŋ ortalyq elementı retınde biıktıgı 4 metr, enı 2,5 metr bolatyn Konstitusiia beinesındegı art-nysan ūsynyldy. Onyŋ ainalasynda jaŋartylǧan Negızgı zaŋnyŋ basty qaǧidattaryna — ädılettılıkke, adam qūqyqtaryn qorǧauǧa, mümkındıkter teŋdıgıne, zaŋ üstemdıgıne, azamattyq jauapkerşılıkke jäne qoǧamdyq bırlıktı nyǧaituǧa arnalǧan taqyryptyq kartinalar körmesı ornalastyryldy.
Atalǧan alaŋ qoǧamdyq dialogtyŋ şynaiy keŋıstıgıne ainaldy. Zamanaui öner, muzyka, interaktivtı aimaqtar men jastardyŋ şyǧarmaşylyq qoiylymdary ärbır qazaqstandyqtyŋ ömırındegı Konstitusiianyŋ mänın jaŋaşa paiymdauǧa mümkındık berdı.
Taǧy bır maŋyzdy aksiia Qazaqstan-Britan tehnikalyq universitetınıŋ aldynda ötken auqymdy fleşmob boldy. 700-ge juyq student, volonter jäne qoǧamdyq belsendı Qazaqstan Respublikasynyŋ Memlekettık Tularymen jaŋa Konstitusiiaǧa qoldau bıldırıp, qazaqstandyqtardy Negızgı zaŋnyŋ küşıne enuımen qūttyqtady.
Öz ündeulerınde jastar:
«Bügın elımız üşın tarihi kün. Jaŋa Konstitusiianyŋ küşıne enuı — Qazaqstannyŋ jarqyn bolaşaǧynyŋ kepılı».
«Būl — memleketımızdıŋ aldaǧy damuyn aiqyndaityn maŋyzdy qadam».
«Jaŋa Konstitusiia — adam qūqyqtary, zaŋ jäne jauapkerşılık basty qūndylyq sanalatyn ädılettı qoǧam qūrudyŋ berık negızı».
«Negızgı zaŋ — elımızdıŋ täuelsızdıgın, halyq bırlıgın jäne bolaşaqqa degen senımdı nyǧaitatyn basty qūjat» — dep atap öttı.
Almaty qalasy Jastar saiasaty basqarmasynda merekelık ıs-şaralardyŋ bastamaşysy ärı negızgı qatysuşysy jas buyn bolǧany erekşe mänge ie ekenın atap öttı.
«Konstitusiia — tek qūqyqtyq qūjat qana emes, memleket pen qoǧam arasyndaǧy senımnıŋ ırgetasy, eldıŋ odan ärı damuyna baǧyt beretın basty baǧdar. Bügın Almaty jastary öz qatysuy arqyly Qazaqstannyŋ bolaşaǧy üşın jauapkerşılıktı sezınetının, memlekettık qūndylyqtardy qūrmetteitının jäne ädılettı, quatty ärı örkendegen memleket qūru ısıne belsendı atsalysuǧa daiyn ekenın körsettı», — dep atap öttı Almaty qalasy Jastar saiasaty basqarmasynda.
Jastar aksiialarynyŋ seriiasy tek merekelık ıs-şara ǧana emes, qazaqstandyqtardyŋ jaŋa buynynyŋ azamattyq kemeldıgın aiqyndaityn simvoldyq oqiǧaǧa ainaldy. Zamanaui formattar — öner, şyǧarmaşylyq, qoǧamdyq bastamalar jäne patriottyq fleşmobtar arqyly jastar eldıŋ odan ärı damu baǧytyna qoldau bıldırıp, jaŋa Konstitusiianyŋ täuelsız Qazaqstannyŋ bolaşaq jetıstıkterıne negız bolatynyn körsettı.
