30 ماۋسىمدا شۋشا قالاسىندا تۇركى مەملەكەتتەرى ۇيىمىنا مۇشە ەلدەردىڭ ءدىن ىستەرىنە جاۋاپتى مەملەكەتتىك ورگاندارى باسشىلارىنىڭ العاشقى كەزدەسۋى اياقتالدى، دەپ حابارلايدى «ادىرنا» ءتىلشىسى.
AZƏRTAC اگەنتتىگىنىڭ مالىمەتىنشە، كەزدەسۋ قورىتىندىسى بويىنشا قۇرىلىمدار اراسىنداعى ىنتىماقتاستىقتىڭ ينستيتۋتسيونالدىق نەگىزدەرى مەن الداعى بىرلەسكەن قىزمەتتىڭ نەگىزگى باعىتتارىن ايقىندايتىن 11 تارماقتان تۇراتىن كومميۋنيكە قابىلدانعان.
قۇجاتتا تۇركى مەملەكەتتەرىندەگى مەملەكەت پەن ءدىن اراسىنداعى قاتىناستاردىڭ زايىرلىلىق قاعيداتتارىنا نەگىزدەلگەن دامۋ ەرەكشەلىكتەرى كورىنىس تاپقان. سونداي-اق ءدىني سالاداعى تاجىريبە الماسۋدى كەڭەيتۋ، ءدىني ءبىلىم بەرۋ باعىتىنداعى ىنتىماقتاستىقتى دامىتۋ، جاستاردى ۇلتتىق-رۋحاني قۇندىلىقتارمەن تاربيەلەۋ، وتباسى ينستيتۋتىن نىعايتۋداعى ايەلدەردىڭ ءرولىن ارتتىرۋ جانە تسيفرلىق اقپاراتتىق ورتادا ءدىني اعارتۋشىلىق جۇمىستاردى كۇشەيتۋ ماسەلەلەرى قامتىلعان.
بۇدان بولەك، ازەربايجاننىڭ وككۋپاتسيادان ازات ەتىلگەن اۋماقتارىنداعى تاريحي-ءدىني جانە مادەني مۇرانى قالپىنا كەلتىرۋ ىسىنە قولداۋ ءبىلدىرۋدىڭ ماڭىزى اتاپ وتىلگەن.
كەزدەسۋدى جوعارى دەڭگەيدە ۇيىمداستىرۋعا كورسەتكەن قولداۋى مەن جاسالعان جاعدايلار ءۇشىن ازەربايجان پرەزيدەنتى يلحام اليەۆكە العىس ءبىلدىرىلدى.
كەزدەسۋ سوڭىندا كەلەسى باسقوسۋدى 2027 جىلى قازاقستاندا وتكىزۋ تۋرالى شەشىم قابىلداندى.
