قازاقستاندا يمپورتتىق ونىمدەر سانكتسياعا بايلانىستى 30-40 %-عا قىمباتتايدى – ساراپشى

2807
Adyrna.kz Telegram

قازاقستاندا يمپورتتىق ونىمدەر 30-40%-عا قىمباتتاپ جاتىر. بۇل تۋرالى Pinta, BAO جانە Bank جەلىلەرىنىڭ يەسى يۋري نەگوديۋك رەسەيگە قارسى سانكتسيالاردىڭ قازاقستان ەكونوميكاسىنا اسەرى تۋرالى جاعدايدى نەگىزگە الا وتىرا ايتتى.

«ءبىز جاعدايدى ءالى سەزگەن جوقپىز. ءبىر-ەكى اپتادان كەيىن اسەرىن سەزىنەمىز. قازىردىڭ وزىندە ونىمدەردى جەتكىزۋشىلەردەن حات الىپ جاتىرمىز. ءونىم 30-40%-عا قىمباتتاپ جاتىر. مىسالى، لوسوس بالىعىن 5,4 مىڭ تەڭگەگە الاتىن بولدىق. ال قازىر ونىڭ قۇنى 8 مىڭ تەڭگە. ياعني، بۇل قازىردىڭ وزىندە 20-30% ءوسىمدى كورسەتەدى»، - دەدى نەگوديۋك قازتاگ تىلشىسىنە بەرگەن سۇحباتىندا.

ونىڭ پىكىرىنشە، باعا بۇدان دا كوتەرىلە بەرمەك.

جەتكىزۋ تىزبەگىندەگى سانكتسيالارعا بايلانىستى رۋبل باعامىنىڭ قۇلدىراۋى اياسىندا رەستوراتورلار رەسەيلىك جانە ەۋروپالىق ونىمدەرى بار تاعامداردى مازىردەن الىپ تاستاۋ نەمەسە ولاردى قىمباتتاتۋ تۋرالى شەشىم قابىلدادى.  ويتكەنى، بۇل ونىمدەردى وزگە ونىمدەرىمەن الماستىرۋ مۇمكىن ەمەس.

«ءبىز، ارينە، مازىردەگى باعانى 30%-عا كوتەرە المايمىز. ايتپەسە،  بىردەن كەلۋشىلەردىڭ اعىنىنان ازايتامىز. ويتكەنى جالاقى 30 پايىزعا كوتەرىلگەن جوق. سوندىقتان تۇپكىلىكتى باعالاردى العاننان كەيىن ءبىز ءمازىردى قايتا قاراپ، باعانى جانە شىعىنداردى ءبىر دەڭگەيدە ۇستاپ تۇرۋ ءۇشىن كەيبىر قىمبات ونىمدەردەن باس تارتۋىمىز مۇمكىن »، - دەيدى رەستوراتور.

قىمبات ونىمدەردەر، ياعني ءزاتۇن مايى مەن پارمەزان ىرىمشىگى ەۋروپادان كەلەدى. ال كوكونىستەر مەن جەمىستەر وزبەكستان، قىرعىزستان، قىتايدان جەتكىزىلدى. بۇل ەلدەردە باعا ءالى كوتەرىلگەن جوق. رەستوراتور ايتۋىنشا، كوكونىس ماۋسىمى ەكى ايدان كەيىن باستالادى.

«مەنىڭ ويىمشا، ەۋروپالىق جانە رەسەيلىك ونىمدەردى پايدالاناتىن مەيرامحانالار زارداپ شەگەدى. ءبىرىنشىسى – تەڭگەنىڭ قۇنسىزدانۋىنا بايلانىستى. ماسەلەن، مەيرامحانالار رەسەي ارقىلى الاتىن نورۆەگيالىق لوسوس بالىعىنا قازىر تىيىم سالىنعان. لوگيستيكاعا بايلانىستى ونىڭ قۇنى قىمباتتاۋى مۇمكىن. الايدا بۇل ءونىمدى مازىردەن ازايتامىز نەمەسە باسقا بالىقپەن اۋىستىرامىز»، - دەپ ءتۇسىندىردى رەستوراتور.

ونىڭ پىكىرىنشە، قازاقستانداعى ەۋروپالىق ونىمدەر تەڭگەنىڭ قۇنسىزدانۋى دەڭگەيىندە قىمباتتايدى. تەڭگە 15 %-عا ارزاندادى، ياعني ىرىمشىك 15 %-عا قىمباتتايدى دەگەن ءسوز.

"ادىرنا" ۇلتتىق پورتالى

پىكىرلەر