تەز دايىندالاتىن كەسپە ونىمدەرىن جەلەۋ ەتىپ، قىرعىزستاننان قازاقستانعا زاڭسىز الكوگول ونىمدەرىن وتكىزبەك بولعان. بۇل تۋرالى قر قارجى مينيسترلىگىنىڭ مەملەكەتتىك كىرىستەر كوميتەتى مالىمدەدى، دەپ حابارلايدى “ادىرنا” ۇلتتىق پورتالى.
جامبىل وبلىسى بويىنشا مەملەكەتتىك كىرىستەر دەپارتامەنتى «ايشا-ءبيبى» شەكارا زاستاۆاسىندا قىرعىزستان ازاماتتارى مىنگەن ەكى اۋىر جۇك كولىگىن ۇستادى.
«اۆتوكولىكتەردى تەكسەرۋ بارىسىندا قازاقستانعا الكوگول ونىمدەرىن زاڭسىز اكەلۋ فاكتىسى انىقتالدى. ول - 25 920 بوتەلكە «پارلامەنت» جانە «انتيۆيرۋس» اراقتارى. بۇل رەتتە جۇك پارتياسى Big Bon تەز دايىندالاتىن كەسپەنىڭ جەلەۋىمەن تاسىمالداندى. الدىن الا قورىتىندى بويىنشا ۇستالعان الكوگول ءونىمىنىڭ پارتياسىنىڭ جالپى قۇنى 25 ملن 660,8 مىڭ تەڭگەنى قۇرايدى. الكوگول ونىمدەرىنىڭ زاڭسىز اينالىمىنىڭ جولىن كەسۋ فاكتىسى بويىنشا قىلمىستىق ءىس قوزعالدى»، - دەلىنگەن حابارلامادا.
“ادىرنا” ۇلتتىق پورتالى
