قازاقستاندا لاتىن گرافيكاسىنا نەگىزدەلگەن جاڭا قازاق ءالىپبيى ازىرگە رەسمي تۇردە بەكىتىلگەن جوق، دەپ حابارلايدى "ادىرنا" ۇلتتىق پورتالى.
بۇل تۋرالى عىلىم جانە جوعارى ءبىلىم مينيسترلىگى مالىمدەدى.
ۆەدومستۆونىڭ حابارلاۋىنشا، جاڭا ءالىپبيدىڭ جوباسى بۇعان دەيىن كوپشىلىك نازارىنا ۇسىنىلعانىمەن، مەملەكەت باسشىسىنىڭ تاپسىرماسىنا سايكەس ونى جەتىلدىرۋ جۇمىستارى جالعاسۋدا. قازىر احمەت بايتۇرسىنۇلى اتىنداعى ءتىل ءبىلىمى ينستيتۋتىنىڭ، ء«تىل-قازىنا» ۇلتتىق عىلىمي-پراكتيكالىق ورتالىعىنىڭ ماماندارى جانە قازاقستاندىق جوعارى وقۋ ورىندارىنىڭ عالىمدارى ءالىپبي مەن جاڭا ەملە ەرەجەلەرىن ازىرلەۋمەن اينالىسىپ جاتىر.
مينيسترلىكتىڭ مالىمەتىنشە، ماماندار «ي»، «ي»، «ى» جانە ء«ى» ارىپتەرىنىڭ جازىلۋىنا قاتىستى زەرتتەۋلەردى جالعاستىرۋدا. وسىعان بايلانىستى لاتىن گرافيكاسىنداعى قازاق ءالىپبيىن تۇپكىلىكتى بەكىتۋ مەرزىمى ازىرگە انىقتالماعان.
ء«الىپبيدى بەكىتۋ مەرزىمى مەن ونى ەنگىزۋ كەستەسى جوبانى جەتىلدىرۋ جۇمىستارى اياقتالعاننان كەيىن ايقىندالادى»، – دەلىنگەن مينيسترلىك تاراتقان اقپاراتتا.
