بۇگىن قازاق كسر-ءىنىڭ ەڭبەك سىڭىرگەن عىلىم قايراتكەرى، «تۇركى الەمىنە سىڭىرگەن ەرەن ەڭبەگى ءۇشىن» سىيلىقتارىنىڭ يەگەرى، «پاراسات» وردەنىمەن جانە بىرنەشە مەدالدار يەسى راحمانقۇل بەردىبايدىڭ تۋعان كۇنى.
ادەبيەتتانۋشى 1927 جىلى 2 جەلتوقساندا وڭتۇستىك قازاقستان وبلىسىنداعى تۇركىستان اۋدانىنىڭ كوكىش اۋىلىندا دۇنيەگە كەلگەن. ول ءوزىنىڭ جۇمىس ىستەگەن جىلدارىندا 32 مىڭ كىتاپ جانە مىڭنان استام ماقالا جاريالاعان.
ول «قازاق تاريحي جىرلارىنىڭ ماسەلەلەرى»، «فولكلور شىندىعى»، «قازاق فولكلوريستيكاسىنىڭ تاريحى»، «قازاق فولكلورىنىڭ پوەتيكاسى»، «قازاق فولكلورىنىڭ تيپولوگياسى» سەكىلدى ءىرگەلى اكادەميالىق زەرتتەۋلەردىڭ جازىلۋىنا جەتەكشىلىك جاساپ، وسى زەرتتەۋلەردىڭ نەگىزگى تاراۋلارىن جازىستى. سونداي-اق وتكەن زاماننان قالعان مۇرانى ءادىل زەرتتەپ، باعالاۋدىڭ ورنىنا ونىڭ ءبارىن ادەبيەتتىڭ «التىن قورىنا» قوسۋدى ۇسىنادى.
راحمانقۇل بەردىباي جازعان العاشقى ماقالالارىنان باستاپ-اق قازاق حالقىنىڭ تاعدىرى ونىڭ ءتىلىنىڭ تاعدىرىمەن تىكەلەي بايلانىستى ەكەنىن اشىنا كوتەرگەن.
مەملەكەت قايراتكەرى، ەتنوگراف وزبەكالى جانىبەكوۆ ءوز ەستەلىگىندە بىلاي دەگەن بولاتىن: «ءالى ەسىمدە، ماعان ورتالىق كوميتەتكە حاتشى بولىپ سايلانىسىمەن ارادا ون كۇن وتپەي جاتىپ، قازاقستان جازۋشىلار وداعىنىڭ پلەنۋمىندا ءسويلەۋگە تۋرا كەلگەن ەدى. راحمانقۇل بەردىباي سول كەزدەسۋدە زيالى قاۋىمنان ءبىرىنشى بولىپ ناۋرىز مەيرامىن اتاپ ءوتۋ جونىندە ماسەلە قويعان بولاتىن».
راحمانقۇلدىڭ شىعارماشىلىق جولى – ۇلتقا ادەبيەت، مادەنيەت، عىلىم ارقىلى قىزمەت ەتۋدىڭ جارقىن كورىنىسى. ۇلتتىق رۋح، سول رۋحتى ۇلىقتاۋ ونىڭ بۇكىل ەڭبەكتەرىنىڭ نەگىزگى سارىنىن قۇرايدى.
«ادىرنا» ۇلتتىق پورتالى
